Numelo 33:3 - Tosi Tapu

³ Na lotou mavae loa i Lamisese i le uluaki masina, i le aso kau agafulu tupu lima o le masina lena. I le apogipogi o le Pasikate, na mavae loa fanau a Iselaele mo le lima kua siki i mua o le kau Esipito katoa.

Numelo 33:3 Iomraidhean Croise

Senesi 47:11

Na soli loa e Sosefo ki lona tamana mo ona fetaina se kele i le fenua o Koseni ke lotou nonofo ai, i le ganea malie tukupau o le fenua, i tafa o Lamisese, o fai ki le fakatotonu leia na tuku e Falaone.

Pesalemo 105:38

Na fiafia loa le kau Esipito i lolatou mavae, Talie na lotou i ai kia latou.

Ekesote 1:11

Ti na fakanofo loa ni pule gaoi, o tupu ke lotou fakamamae latou ki ni kavega mamafa. Koia na fakatuu ai loa a kolo o Pitomi mo Lamisese, ke tanaki ai a koloa o Falaone.

Ekesote 12:2

E liliu loa le masina leinei kia koutou ko le uluaki masina o masina ; e liliu loa a ia kia koutou ko le uluaki masina o le fetuu.

Ekesote 12:37

Na mavae loa fanau a Iselaele mei Lamisese ki Sukoti ; na fakaano lolatou api ki tino lelau afe e ono tagata saele, kae na leaise lau a toe.

Ekesote 13:4

E kotou mavae i le aso nei, i le masina o le tuuti o le fulumeto.

Ekesote 14:8

Na fakafefeka loa e le Eteleno le loto o Falaone, sau o Esipito, ti na tuli loa e Falaone a fanau a Iselaele. Na mavae loa fanau a Iselaele mo lima na siki i aluga.

Esaia 52:12

Aua na kotou mavae fakatavili, Aua na kotou sosola ; Talie e ano loa le Eteleno i okoutou mua, Ti e mulimuli loa le Atua o Iselaele ia koutou.

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Numelo 33:2

Na tosi loa e Moisese a ganea ala na lotou nonofo ai, o mulimuli ki le fakatotonu a le Eteleno. Ti ko nei olatou nofolaga, o mulimuli ki alatou fanoga.