Numelo 32:5 - Tosi Tapu

⁵ Ti na lotou toe pati loa kia Moisese : Kapau kua motou maua se kalasia i ou mata, tuku ke maua e au tagata fakasausau le fenua leinei, ti aua na ke tuku matou ke fakalaka i le Solotane.

Numelo 32:5 Iomraidhean Croise

Senesi 19:19

Ko leinei, kua ke alofa kiate au, ti kua ke fakasa le lasi o lou manava alofa kiate au i lau soli mai loku mauli. Kae ko au, e leaise mafai laku sola o kaku ki le mauga, talie e maua loa au e le tutamaki i mua, ti e kau mate loa.

Lua tosi a Samuele 14:22

Na punou loa Soape ki le kele i mua o le sau, o fakamalo kiate ia mo pati : Ei sau, loku aliki, kua iloa e lau tagata fakasausau i le aso nei e ke taupau kiate au lou agamalie, talie kua fai loa e le sau o mulimuli ki le pati a lau tagata fakasausau.

Esitele 5:2

I le tio a le sau ki le tuu a le fafine sau ko Esitele i le malae, na maua loa e Esitele se kalasia i ona mua, ti na velo loa e ia kia Esitele le tokotoko aulo leia na too e ia i lona lima. Na fakafeofi loa Esitele, o fafa ki le tumutumu o le tokotoko fakasau.

Selemia 31:2

E folafola le Eteleno, o pati : Na maua e ia le kalasia i le toafa, Le kakai o latou ala na sao i le seleta ; E saele Iselaele ki lona maloloaga.

Numelo 32:4

e kau ki le fenua leia na tautea e le Eteleno i mua o fanau a Iselaele, ti e malie a ia ki le fagai manu, ti e maua e au tagata fakasausau ni kau manu lalasi.

Numelo 32:6

Na tali loa Moisese ki vosa o Kate mo vosa o Lupeni : Pe ano loa okoutou fetaina ki le tau, kae kotou nofo loa i leinei ?

Tetelonome 1:37

Na sausaua foki le Eteleno kiate au, o tupu ko koutou, ti na pati loa a ia : Ko koe foki, e leaise ke ulu loa ki le fenua.

Sosue 7:7

Na pati loa Sosue : Aliki Eteleno, kolea na ke tuku ai le kakai leinei ke fakalaka i le Solotane ke tuku matou ki lima o le kau Amole ke lotou tamate matou ? Na malie ake ke motou nofo i leia fetuu o le Solotane !

Lute 2:10

Ti na fakamapee loa a ia ki ona mata, ti na punou loa a ia ki le kele, o pati kiate ia : Kolea kua kau maua ai le alofa i ou mua, talie kua ke fia tokaga kiate au, leia ko se fafine matapule ?

Uluaki tosi a Samuele 20:3

Na toe pati loa Tavite, o fakapapau : Kua iloa malie e lou tamana kua kau maua le kalasia i ou mua, ti na pati loa a ia : Ke aua na iloa e Sonatane le nea lena, talie e mamae ai loa lona loto. Kae e mauli le Eteleno ti e mauli lou laumalie ! Ko le fa sake fai e tasi e kau vasa ai mo le mate.