Numelo 32:1 - Tosi Tapu

¹ Na maua e vosa o Lupeni mo vosa o Kate se kau manu lasi ai, ti na lotou tio loa ko le fenua o Saesele mo le fenua o Kalaate ko ni fenua malilie ki le fagai manu.

Numelo 32:1 Iomraidhean Croise

Senesi 13:2

Na lasi ai a koloa o Apalamo : Na lasi ai lana kau manu, mo lana paaga, ti mo lana aulo.

Senesi 13:5

Ko Lote, leia na kau fanoga mo Apalamo, na toe maua ia foki ni kau ovi fafine, mo ni kau pipi, mo ni falela.

Senesi 29:32

Na tinae loa a Lea, ti na fanaui loa e ia se tama, o fakaigoa loa e ia ko Lupeni, talie na pati loa a ia : Kua tio le Eteleno ki loku fakataulaloi. I le aso nei e alofa loa loku avaga kiate au.

Senesi 47:4

Ti na lotou toe pati foki kia Falaone : Kua veli ai le oge i le fenua o Kanaane, ti e leaise koi maua se nea ke fagai ai a manu o au tagata fakasausau, koia kua motou au ai o nofo fakatemi i le fenua nei. Ke ke fakataga ki au tagata fakasausau ke lotou nonofo i le fenua o Koseni.

Lua tosi a Samuele 24:5

Na lotou fakalaka loa i le Solotane, ti na lotou nonofo loa i Aloele, i le fetuu atamai o le kolo leia e tuu i loto malie o le vaivailiua o Kate, ofi ki Saesele.

Lua tosi a Samuele 24:6

Na lotou ano loa ki Kalaate mo le fenua o Tasetimi-Otesi. Na lotou ano loa ki Tane-Saane, mo tafatafa o Sitone.

Uluaki tosi o Koloniko 4:41

Ko tagata ana, kua tosi olatou igoa, na kaku loa ki le fenua i le sau a Esekiasi i Suta ; na lotou taui loa a falela o le sakoga o Sami mo le kau Maoni ala na nonofo i ai, ti na lotou tamate le kakai o puli ai o kaku mai ki le aso nei, kae na lotou nonofo loa i olatou nofoaga, talie na maua i ai se mutie ki alatou kau manu.

Ekesote 12:38

Na pale fakatasi loa mo latou se kakai kese leia na toka api ; ti na lotou maua ia foki ni kau manu lalasi, mo ni ovi, ti mo ni pipi.

Selemia 22:6

Talie e folafola le Eteleno ki le fale o le sau o Suta, o pati : E ke fai kiate au pe Kalaate, pe le tumutumu o le mauga o Lipane ; Kae e maoki e kau fakaliliu loa a koe ko se toafa, Ko se kolo sala kakai.

Selemia 48:32

Vite o Sipema, e kau tagi kiate koe o lasi ake ia Saesele ; Na ano ou laa o kaku ki le tai ; Na lotou solofa o kaku ki le tai o Saesele ; Na oso le tagata maumau kiate koe, o tuuti lou fulumeto mo tau lou vite.

Selemia 50:19

E kau toe aumai loa Iselaele ki lona nofoaga ; E maua loa e ia ona faisaga mutie i Kalemelo mo Pasani, Ti e makona loa lona laumalie i le mauga o Efalaimi mo Kalaate.

Selemia 8:22

Pe leaise maua se faitoo i Kalaate ? Pe leai se toketa ? Kolea e leaise fai ai le fakamauli o le taine o loku kakai ?

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Numelo 21:32

Na kakau loa e Moisese ke too Saesele ; ti na lotou too loa ona kolo liliki, kae na lotou kapu loa le kau Amole leia na nonofo i ai.

Numelo 32:2

Ti na ano loa a vosa o Kate mo vosa o Lupeni kia Moisese, mo le tagata faisakilifisio ko Eleasale, mo pule o le fakatasi, o pati kia latou :

Numelo 32:26

E nonofo loa amatou fanau, mo omatou fafine, mo amatou kau manu lalasi mo omatou kau manu liliki i kolo o Kalaate.

Numelo 32:3

Ko Ataloti, mo Tiponi, mo Saesele, mo Nimila, mo Eseponi, mo Elale, mo Sepami, mo Nepo, mo Peoni,

Numelo 32:35

mo Atoloti-Sofani, mo Saesele, mo Sokepea,

Tetelonome 33:21

Na filifili e ia a uluaki fua o le fenua, Talie i lena na fufu ai le tofiga o le pule o le lao ; Na saele a ia i mua o le kakai, Na fakasoko e ia le faitotonu a le Eteleno, Mo ana fakatotonu ki Iselaele.

Sosue 13:25

Na lotou maua loa Saesele, mo kolo fuli o Kalaate, mo le vaelua o le fenua o le kau Amone o kaku ki Aloele, i mua o Lapa,

Sosue 22:13

Na kakau loa e fanau a Iselaele a Finesi, vosa o le tagata faisakilifisio ko Eleasale, ke ano ki le fenua o Kalaate o masau ki vosa o Lupeni, mo Kate, ti mo le vaelua o Manase,

Sosue 22:9

Na toe liliu loa a vosa o Lupeni, mo Kate, mo le vaelua o Manase, ki olatou falela. Na lotou poloaki loa mo la ake fanau a Iselaele i Silo, i le fenua o Kanaane. Ti na lotou ano loa ki le fenua o Kalaate, fenua leia na soli kia latou, o mulimuli ki le fakatotonu a le Eteleno leia na tuku e Moisese.

Uluaki tosi a Soane 2:16

talie ko nea fuli ala e maua i le malama nei, a oli o le kanofi, mo le manumanu o mata, ti mo le fia nealasi o le mauli, e leaise au mei le Tamana, kae au mei le malama nei.

Tuifakamaau 5:16

Kolea na ke nofo ai i loto malie o fale manu, O fakalogo ki tagi o kau manu ? Io, i famili o Lupeni, Na lasi ai a fai tonu o le loto !