Numelo 31:3 - Tosi Tapu

³ Na masau loa Moisese ki le kakai, o pati : Ke too e ni tagata o koutou alatou masafu ti ke lotou ano o tau ki le kau Matiane, o fai kia latou le totogi leia na fakatotonu e le Eteleno kia latou.

Numelo 31:3 Iomraidhean Croise

Lua tosi o Sau 10:30

Na pati loa le Eteleno kia Seu : Talie na ke fakasoko malie le nea leia e totonu ki oku mata, ti na ke fai ki le fale o Akapo a nea fuli ala na kau finegalo ki ai, e eke loa ou vosa i le ekeekeaga fakasau o Iselaele o kaku ki le fa o tautupu.

Lua tosi o Sau 9:7

E ke tamate loa le fale o Akapo, lou pule, ti e kau totogi loa kia Sesapele le toto o aku tagata fakasausau, le kau polofeta, ti mo le toto o tagata fakasausau fuli a le Eteleno.

Ekesote 17:16

Ti na pati loa a ia : Talie na siki e Amaleke lona lima ki le ekeekeaga fakasau o le Eteleno, e fakapapau le Eteleno, e taui tuumau loa e le Eteleno a Amaleke, i tautupu mo tautupu.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Selemia 50:28

Kotou fakalogo ki tagi a latou ala e sosola, a latou ala e sosola i le fenua o Papilone, O fakasa i Sione le lagavaka a le Eteleno, lotatou Atua, Mo le lagavaka o lona fale tapu !

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Numelo 25:11

Ko Finesi, vosa o Eleasale, vosa o le tagata faisakilifisio lasi ko Alone, na fakamaliu ia loku sausau mei fanau a Iselaele, talie na fakasa e ia le finenonofo o lona Atua i loto malie o fanau a Iselaele ; koia na leaise kau tamate ai latou, i loku finenonofo.

Numelo 25:13

Ko le sai lena kiate ia mo lona sakoga, leia e lotou liliu ai ko ni tagata faisakilifisio o lee gato, talie na fakasa e ia lona alofa ki lona Atua ti na fai e ia le fakamalie ki fanau a Iselaele.

Numelo 31:4

Ke kotou filifili ki le nea lena ni tagata tau e tino afe i le faasiga taki tasi.

Tuifakamaau 5:2

Na malaga ki aluga ni pule o taki le kakai o Iselaele, Ti na loto makeke le kakai ki le tau : Ke kotou fakafetai ki le Eteleno !

Tuifakamaau 5:23

Na pati loa le aselo o le Eteleno : Ke kotou fakamalaia Melosi, Ke kotou fakamalaia, ke ke kotou fakamalaia lona kakai, Talie na leaise lotou ano loa o tokoi ki le Eteleno, Io, o tokoi ki le kau toa a le Eteleno.