Numelo 3:7 - Tosi Tapu

⁷ E lotou fai loa lalatou gaoi i mua o le falela tapu o fakasausau kia Alone mo le kakai katoa o Iselaele, ti e lotou fai loa a gaoi fuli ki le falela tapu.

Numelo 3:7 Iomraidhean Croise

Uluaki tosi o Koloniko 26:20

Ko Akisa, ko se tasi o le kau Levi, na tokaga ki koloa o le fale o le Atua, ti mo nea taputapu.

Uluaki tosi o Koloniko 26:22

ko Seieli, mo vosa o Seieli ko Setame mo Soele, lona taina, ko latou na taupau ia a koloa o le fale o le Eteleno.

Uluaki tosi o Koloniko 26:26

ko Selomite mo ona fetaina na taupau ki koloa fuli mo nea tapu, ala na momoli e le sau ko Tavite, mo pule famili, mo pule solia, mo pule tau :

Levitiko 8:35

Ti e tonu ke kotou nonofo loa i le uluaga o le falela tapu i le aso mo le pouli, i le vasaa katoa leinei, o fai le gaoi leia kua tuku atu e le Eteleno kia koutou, ti e leaise kotou mamate ai loa. Ko le nea lena na fakatotonu mai e le Eteleno kiate au.

Numelo 1:50

Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 3:32

Ko le pule lasi o le kau Levi ko Eleasale, vosa o le tagata faisakilifisio ko Alone ; ko ia leia na leoleo loa ki tagata ala na gaoi ki le sagatualio.

Numelo 3:8

E lotou tokaga loa ki nea gaoi o le falela tapu ti e lotou fai loa ki le kakai o Iselaele a gaoi fuli ala e aoga ki le falela tapu.

Numelo 31:30

I le vaega leia e soli ki fanau a Iselaele, e ke taofi loa se toka tasi i ni tino lelau e lima, mo se manu e tasi i ni manu e kau lelau lima, tatau i pipi, mo asino, mo ovi, mo koti. Ti ke tuku loa le vaega lena ki le kau Levi, ala e tokaga ki le falela tapu o le Eteleno.

Numelo 8:11

E fakamaliuliu loa e Alone le kau Levi ki fetuu mo fetuu i mua o le Eteleno, ofaipe se moliga a fanau o Iselaele ; ti e fakatapui loa latou ke fakasausau ki le Eteleno.

Numelo 8:15

I le oki o le nea lena, e au loa le kau Levi o fai le tausi o le falela tapu. Ko lena le nea leia e tonu ke ke fai ke fakamea ai latou ti ke fakatapui ai latou ofaipe se moliga.