Numelo 3:16 - Tosi Tapu

¹⁶ Na tosi loa latou e Moisese i le fakatotonu a le Eteleno, o mulimuli ki le fakatotonu leia na tuku ake kiate ia.

Numelo 3:16 Iomraidhean Croise

Senesi 45:21

Na fai loa e vosa o Iselaele le nea lena. Na tuku loa e Sosefo kia latou ni saliote o mulimuli ki le fakatotonu a Falaone, ti mo ni nea kai ki le fanoga.

Numelo 3:15

Ke ke tosi loa a vosa o Levi o mulimuli ki olatou famili, ti mo olatou faasiga ; ke ke tosi loa a tagata fuli mei le masina tasi o fai ki aluga.

Numelo 3:17

Ko igoa o vosa o Levi : ko Kelesoni, mo Keati, mo Melali.

Numelo 3:39

Ko le api o le kau Levi ko le tino lua tupu lua afe tagata (22 000), mei le masina tasi o fai ki aluga. Na fai le tosi lena e Moisese mo Alone, o mulimuli ki le fakatotonu a le Eteleno, ke tosi a tagata fuli o mulimuli ki famili.

Numelo 3:51

Ti na tuku loa e ia le paaga lena kia Alone mo ona vosa, o mulimuli ki le fakatotonu leia kua tuku e le Eteleno.

Numelo 4:27

I alatou gaoi, e fakalogo loa a vosa o Kelesoni kia Alone mo ona vosa, o uiga mo nea fuli ala e lotou amo loa ti mo le tausi katoa leia e tonu ke lotou fai loa. E kolua fakasa loa kia latou a nea fuli ala e tonu ke lotou amo.

Numelo 4:37

Ko na latou ala o famili o Keati na tosi, ala kua aoga ke gaoi i le falela tapu. Na tosi latou e Moisese mo Alone o mulimuli ki le fakatotonu a le Eteleno kia Moisese.

Numelo 4:41

Ko na latou o famili o vosa o Kelesoni ala na tosi, latou fuli ala na gaoi i le falela tapu ; na tosi latou e Moisese mo Alone o mulimuli ki le fakatotonu a le Eteleno.

Numelo 4:45

Ko na latou o famili o vosa o Melali ala na tosi ; na tosi latou e Moisese mo Alone o mulimuli ki le fakatotonu a le Eteleno kia Moisese.

Numelo 4:49

Na tosi latou o mulimuli ki le fakatotonu a le Eteleno kia Moisese, o fakasa ki le tagata taki toka tasi lana gaoi mo lana kavega ; na tosi latou o mulimuli ki le fakatotonu leia na tuku e le Eteleno kia Moisese.

Tetelonome 21:5

E fakafeofi ake loa a tagata faisakilifisio, vosa o Levi ; talie ko latou ala na filifili e le Eteleno, lou Atua, ke tausi kiate ia, ti ke tuku ia le tapuaki i le suafa o le Eteleno, ti ke fakatokatoka ia a visi fuli mo lavea fuli.