Numelo 3:10 - Tosi Tapu

¹⁰ E ke fakanofo loa Alone mo ona vosa ke fai ia le gaoi o le tagata faisakilifisio lasi. Ti kapau e fakafeofi loa se tagata kese ki ai, ti e tautea loa a ia ki le mate.

Numelo 3:10 Iomraidhean Croise

Lua tosi a Samuele 6:7

Na mu loa le sausau o le Eteleno kia Usa, ti na taai loa a ia e le Atua i le ganea lena o tupu ko lana sala. Na mate loa Usa i ai, ofi ki le aleka o le Atua.

Uluaki tosi o Sau 12:31

Na fakatuu loa e Selopoamo se fale i se potu taualuga, ti na fakatupu loa e ia ni tagata faisakilifisio ala na filifili mei le kakai ti na leaise kau ki vosa o Levi.

Uluaki tosi o Koloniko 6:32

na lotou fai loa a sua i mua o le tapenakulo, i mua o le falela tapu, o kaku ki le fakatuu e Salomone le fale o le Eteleno i Selusalemi ; ti na lotou fai lalatou gaoi o mulimuli ki le lekula leia na tuku kia latou.

Neemia 6:11

Na kau tali loa : E leaise ko se tagata au ke sola ! Pe mafai loa ki se tagata pe au ke ulu ki le sagatualio kae mauli ? E leaise kau ulu loa.

Ekesote 29:9

E ke toi loa se kilii pipi kia Alone mo ona vosa, ti e ke fakapiki loa a puloga tea ki ulu o vosa o Alone. E lotou maua loa le gaoi fakapelepitelo, ti ko se lao lena ke tuu mau ki tautupu mo tautupu. Ti e ke fakanofo loa Alone mo ona vosa ke tagata faisakilifisio.

Esekiele 44:8

Na leaise kotou fai le tausi o loku sagatualio, kae na kotou tuku ke lotou fetogi koutou i le fai o le tausi i loku fale tapu.

Levitiko 22:10

E leaise kai loa e se tagata kese se nea kai tapu ; e leaise kai loa a nea kai tapu e le tagata leia e nofo i le fale o le tagata faisakilifisio pe ko se tagata leia e gaoi totogi kiate ia.

Numelo 1:51

Ka ano loa le falela tapu, e vete loa a ia e le kau Levi ; ka fakatuu loa le falela tapu, e fakatuu loa a ia e le kau Levi ; ti ko le matapule leia e fakafeofi ake loa ki le falela tapu e tautea loa a ia ki le mate.

Numelo 16:10

Na fakafeofi e ia koutou kiate ia, a koe mo ou fetaina fuli, fanau a Levi, ti e kotou toe loto foki ki le gaoi fakapelepitelo !

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Numelo 16:40

Ko se fakamanatu a ia ki fanau a Iselaele, o tupu ke aua na fakafeofi se tasi leia e leaise kau ki le sakoga o Alone, o momoli se kaloni i mua o le Eteleno, ti ke aua na fai loa a ia pe Kole mo lona kakai, o mulimuli ki le nea leia na fakasa e le Eteleno ia Moisese.

Numelo 18:3

E lotou fai loa le nea leia e ke fakatotonu loa kia latou ti mo le tausi o le falela tapu katoa ; kae e leaise lotou fakafeofi loa ki nea gaoi o le sagatualio, na kotou mamate loa, latou mo koutou.

Numelo 18:7

Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Numelo 3:11

Ti na toe masau loa le Eteleno kia Moisese :

Numelo 3:38

Na nofo loa Moisese, mo Alone ti mo ona vosa i mua o le uluaga o le falela tapu, i le potu esite. Na lotou tokaga ki le taupau mo le tausi o le sagatualio, i le igoa o fanau a Iselaele ; ti e tautea loa ki le mate a tagata kese fuli ala e fakafeofi loa ki ai.

Loma 12:7

ko leia kua kalagai ke fakasausau, ke pipiki ki le fakasausau ; ko leia e akonaki ke pipiki ki lana akonaki,

Efeso 2:19

Koia, e leaise ko ni matapule koutou, pe ko ni tagata mei fafo ; kae kua kotou kau ki le kolo o le kau sagato, mo le fale o le Atua.

Tetelonome 18:5

talie ko ia leia na filifili e le Eteleno, lou Atua, i faasiga fuli o Iselaele, ke fai ia le tausi i le suafa o le Eteleno, a ia mo ona vosa, o tuumau.

Epelo 8:4

Kanapau na nofo a ia i le malama nei, na leaise fai sakilifisio a ia, talie na nonofo i ai latou ala e momoli ia a moliga o mulimuli ki le lao :

Tuifakamaau 17:5

Na maua loa e Mika se fale o le Atua ; na fai loa e ia se efote mo ni telafimi, ti na fakatapui loa e ia le tasi o ona vosa ke nofo o faisakilifisio.

Uluaki tosi a Samuele 6:19

Na tautea loa e le Eteleno le kakai o Pete-Semesi, i le temi leia na lotou faino ai ki loto o le aleka o le Eteleno ; na taai loa e ia le tino fitu tagata i le kakai. Ti na mamae lasi ai le kakai, talie na taai e le Eteleno le kakai ki se tautea lasi.