Numelo 25:2 - Tosi Tapu

² Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Numelo 25:2 Iomraidhean Croise

Uluaki tosi o Sau 19:18

Kae e kau tuku loa i Iselaele se kau tagata e tino afe fitu, latou fuli ala na leaise peluki olatou tuli i mua o Paale, ti na leaise sogi olatou gutu kiate ia.

Pesalemo 106:28

Na lotou pipiki loa kia Paale-Peoli, Ti na lotou kai loa ki ni vikitima na momoli ki le kau mate.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 22:20

Ko leia e momoli ia ni sakilifisio ki ni atua kese i le Eteleno toka tasi, e tonu ke tamate a ia.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Ekesote 32:6

I leia ake aso, na lotou alaala loa i le usu ti na lotou momoli loa ni failaulau mo ni sakilifisio fakafetai. Ti na tonatona loa le kakai ki lalo o kai mo inu ; ti na lotou tutuu ake loa ki aluga o fakafiafia.

Selemia 40:11

Na logo loa le kau Sutea katoa, leia na nofo i le fenua o Moape, mo le fenua o le kau Amone, mo le fenua o Etome, mo fenua fuli, kua tuku e le sau o Papilone se ga toetoega i Suta, ti kua fakanofo e ia Ketalia, vosa o Asikame, vosa o Safani, ke pule kia latou.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Mikea 6:5

Ei loku kakai, manatui le nea leia na fakatuutuu e Palaki, sau o Moape, Ti mo le nea leia na tali kiate ia e Palaami, vosa o Peoli, Mei Sitime i Kilikale, O tupu ke ke iloa a tapuakina a le Eteleno.

Uluaki tosi ki le kau Kolinto 10:20

Kae e kau pati ko le nea leia e sakilifisioi, e momoli ki ni temonio, kae e leai ki le Atua ; ti e leaise kau loto ke kotou komunio mo le kau temonio.

Tetelonome 32:38

A atua ala na kai ia a gako o alatou sakilifisio, Ti na inu ia a vino o alatou moliga ? Ke lotou tutuu mai ki aluga, ti ke lotou saofaki koutou, Ke lotou puipui koutou !

Sosue 22:17

I Peoli, na tou fai ai se sala leia koi tou lolotoga kai nei foki ona fua i le aso nei, logo ai le malaia leia na tuku e le Eteleno i le aso lena ki lona kakai katoa ! Pe leaise feauga i ai ?

Sosue 23:16

Kapau e kotou maumaui loa le fakapapau leia na tuku e le Eteleno, lokoutou Atua, kia koutou, ti kapau e kotou ano loa o tausi ki ni atua kese mo atolasio kia latou, e vilo loa le sausau o le Eteleno kia koutou, ti e kotou pupuli vave loa i le fenua malie lena na soli e le Eteleno kia koutou.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.