Numelo 24:8 - Tosi Tapu

⁸ Na fakamavae a ia e le Atua mei Esipito, Ti e fai a ia kiate ia pe le makeke o le pipi vao. E kai e ia a puleaga ala e malaga kiate ia, E gugu e ia olatou ivi, ti e tamate e ia latou ki ana gasau.

Numelo 24:8 Iomraidhean Croise

Pesalemo 2:9

E ke fatifatii loa latou ki se tokotoko ukamea, E ke fatifatii loa latou ofaipe le ipu a se tagata faiipu.

Pesalemo 21:12

Na lotou fakakaukaui le veli kiate au, Na lotou fakatupu ni fakatuutuu veveli, kae e leaise lotou mafai ia loa se nea fua.

Pesalemo 45:5

Io, lou kololia ! - Ke ke malo ; ke ke eke ki lau saliote, Ke ke puipui le maoki, mo le agamalu, mo le faitotonu ! Ti ke sa lou lima atamai i ni gaoi lalasi !

Pesalemo 45:6

E matakakai au gasau ; E sisiga loa ki lalo ni puleaga i ou vae ; E lotou pupui loa a mafu o fili o le sau.

Ekesote 23:22

Kae kapau e ke fakalogo ki lona leo, ti kapau e ke fai a nea fuli ala e kau fakasa kiate koe, ti e kau liliu loa ko le fili o ou fili, ti e kau fakafesagai loa kia latou ala e fakafesagai kiate koe.

Esaia 38:13

Na kau kataki o kaku ki le usu ; Ofaipe se laione, na fatifatii e ia oku ivi fuli, I le ao ki le pouli kua ke fakaoki loa au !

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 50:9

Talie ko leinei, e kau lagai loa kia koutou Ni puleaga lalasi mo mauke ai mei le potu noleto ; E lotou pale loa ki Papilone, E lotou tau loa kiate ia, ti e lotou too loa a ia ; E fai alatou gasau pe se tagata poto i le tau, Leia e leaise se toe liliu noa.

Taniela 6:24

Na fakatotonu loa e le sau ke aumai ki ona mua a tagata ala na fakalakasala ia Taniela, ti ke ti latou ki le popoko o laione, latou mo alatou fanau ti mo alatou avaga ; ti na leikiaise lotou kaku ki le takele o le popoko, kae kua tapo latou e laione, o gugu olatou ivi fuli.

Numelo 14:9

Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

Numelo 21:5

ti na lalau loa a ia ki le Atua mo Moisese, o pati : Kolea na kolua fakamavae ai matou mei Esipito, ke motou mamate i le toafa ? talie e leai se pane ti e leai se vai, ti kua motou fakalialia ki le pane veli leinei.

Numelo 23:22

Na fakamavae latou e le Eteleno mei Esipito, E fai a ia kia latou pe le makeke o le pipi vao.

Numelo 23:24

Ko se kakai a ia e ala ake i lana moe ofaipe se laione fafine, Ti e malaga a ia ki aluga ofaipe se laione tagata ; Koi moe a ia ki lalo mo ka kua makona a ia i le kai o le koloa o lana kapu, Ti mo ka kua mau a ia i le inu o le toto o le kau lavevea.

Mateo 2:15

Na nofo loa Sosefo i Esipito o kaku ki le mate o Elote, talie ke fakasoko ai le nea leia na fakasa fakatomua e le Aliki i le polofeta : Na kau kalagai loku vosa ke mavae mei Esipito.

Tetelonome 32:23

E kau tanaki mai loa a malaia kia latou, E kau kaloloi loa ke oki aku gasau kia latou.

Tetelonome 32:42

E kai loa e laku seleta olatou kanofi, Ti e kau fakainu loa aku gasau ke konana i lolatou toto, Io i le toto o le kau lavevea mo le kau popula.

Tetelonome 7:1

Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Sosue 2:10

Talie kua motou logo na fakamasa e le Eteleno i okoutou mua a vai o le tai Kula, i le aso leia na kotou mavae ai i Esipito, ti mo le nea leia na kotou fai ki sau e lua o le kau Amole, ko Sioni mo Oki, ala na nonofo i le kauvai esite o le Solotane ti na kotou tamate.