Numelo 24:18 - Tosi Tapu

¹⁸ E pule a ia ki Etome, E pule a ia ki Seili, ko ona fili. E fakasa e Iselaele lona makeke.

Numelo 24:18 Iomraidhean Croise

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Senesi 27:40

E ke mauli loa ki lau seleta, Ti e ke fakasausau loa ki lou taina. Kae i se aso e ke lauatea loa meiate ia, Ti e ke fatii loa le laakau o le popula leia e teki loa e ia ki lou ua, Ti e ke tiaki loa a ia ki mamao.

Senesi 32:3

Na kakau loa e Sakopo ni tagata avelogo ke muamua iate ia ki lona taina ko Esau, i le fenua ko Seili, leia e kau ki Etome.

Lua tosi a Samuele 8:14

Na tuku loa e ia ni kau solia i Etome, na tuku loa e ia ni kau solia i Etome katoa. Ti na popula loa Etome katoa kia Tavite. Na puipui e le Eteleno a Tavite i ganea fuli ala na ano a ia ki ai.

Uluaki tosi o Sau 11:14

Na lagai loa e le Eteleno se fili kia Salomone : Ko Atate, le tagata Etome, mei le famili sau o Etome.

Uluaki tosi o Sau 11:15

I le temi leia na tamate ai e Tavite a Etome, na pale ake loa Soape ko le pule o le solia ke tanu a mate, ti na tamate loa e ia a tagata fuli o Etome.

Pesalemo 60:1

Ki le pule o le kau sua. I le nota o le lilio fakaaloalofa. Imi a Tavite, ke ako.

Esaia 34:5

Kua kona laku seleta i le atu lagi ; Ko leinei, ka ifo a ia ki Etome, Ki le kakai leia na kau tuku ki le maumau, ke tautea ai a ia.

Esaia 63:1

Ko ai leia e au mei Etome, Mei Potesela, i ni kofu kula, I ni kofu gigila, Ti e saele fia tagata i lona makeke katoa ? Ko au leia na fakapapau ia le fakamauli, Leia e nofo mo le makeke ke saofaki.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Amosi 9:12

O tupu ke lotou maua le toega o Etome ti mo atu puleaga fuli Ala kua kalagai ai loku suafa, E pati le Eteleno, leia e fakasoko ia loa a nea ana.

Apetiasi 1:2

Ko leinei, e kau fakaliliu loa a koe o ikiiki i lotolotoga o atu puleaga, E ke liliu loa ko le nea fakagologolo.

Numelo 20:18

Na pati loa Etome kiate ia : E leaise ke fakalaka loa i loku fenua ! talie e kau lusi loa mo le seleta kiate koe !

Numelo 24:19

Ko leia e ulu loa meia Sakopo e pule faitalisa, E tamate e ia latou ala e sosola mei kolo.