Numelo 24:11 - Tosi Tapu

¹¹ Sola nei, ano ki lou kaiga ! Na kau pati ke kau tuku loa kiate koe ni fakapale, kae kua taofi a koe e le Eteleno ke aua na ke tali latou !

Numelo 24:11 Iomraidhean Croise

Numelo 22:17

Talie e kau soli atu loa kiate koe se fakapale lasi, ti e kau fai loa kiate koe a nea fuli ala e ke pati mai loa kiate au ; e kau kole atu kiate koe, ke ke au, o fakamalaia le kakai leinei.

Numelo 22:37

Na pati loa Palake kia Palaame : Pe na leaise kau kakau atu kiate koe ni kakai, o fakaafe mai a koe ke ke au kiate au ? Kolea na leaise ke au ai kiate au ? Pe leaise kau mafai ia lou siki fakaalialiki ki aluga ?

Numelo 24:10

Na mu loa le ita o Palake kia Palaame ; ti na pasipasi loa e ia ona lima, o pati kia Palaame : Na kau aumai a koe ki leinei ke ke fakamalaia oku fili, ti ko leinei, kua tua tolu loa lau tapuaki kiate ia !

Numelo 24:12

Na tali loa Palaame kia Palake : Pe na leaise kau masau ki tagata ala na ke kakau mai kiate au, o pati :

Gaoi 8:20

Kae na pati loa Petelo kiate ia : Ke puli lau paaga mo koe, talie kua ke pati e totogi paaga le nea alofa o le Atua !

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.