Numelo 24:1 - Tosi Tapu

¹ Na matala loa a Palaame kua malie ki le Eteleno ke tapuaki ki Iselaele ; ti na leaise toe ano loa a ia o afa se puleaki ke toe sa ake ai le Eteleno kiate ia, ofaipe la ake faiaga i mua. Kae na maliu loa ona mata ki le fetuu o le toafa.

Numelo 24:1 Iomraidhean Croise

Numelo 22:13

Na tuu ake loa Palaame i le usu, o pati ki le kau tagata pule a Palake : Ke kotou toe liliu ki lokoutou fenua, talie e leaise tali e le Eteleno ke kau ano mo koutou.

Numelo 22:7

Na ano loa le kau matua o Moape, mo le kau matua o Matiane ki le fale o Palaame, mo ni nea alofa ke totogi ai le tagata fai tutuku. Na lotou kaku loa ki lona fale, ti na lotou fakasa loa kiate ia a masau fuli a Palake.

Numelo 23:15

Na pati loa Palaame kia Palake : Tuu i leinei, o ofi ki lau failaulau, ti e kau ano loa, o felavei mo le Atua.

Numelo 23:20

Ko leinei, na kau tali le fakatotonu ke tapuaki : Na tapuaki a ia, e leaise kau toe fetogi loa a ia !

Numelo 23:23

E leaise mafai e nea fakatemonio se nea fua e tasi kia Sakopo, E leaise se aoga o fai kikite ki Iselaele. E lotou iloa i lona temi totonu A gaoi fuli ala e fai e le Atua kia latou.

Numelo 23:28

Na ave loa e Palake a Palaame ki le tumutumu o le mauga o Peoli, leia na la tio loa i ai ki le toafa katoa.

Numelo 23:3

Na pati loa Palaame kia Palake : Tuu ke ofi ki lau failaulau, ti e kau fakamamao loa : Na saga e au loa le Eteleno o fakafelavei mai kiate au, ti e kau fakasa atu loa kiate koe le folafola leia e tuku mai loa e ia kiate au. Ti na ano loa a ia ki se ganea taualuga.

Numelo 23:30

Na fai loa e Palake le nea leia na pati Palaame ki ai, ti na momoli loa e ia se pipi tagata e tasi mo se ovi tagata e tasi i aluga o aletale taki tasi.

Numelo 31:16

Ko leinei, ko latou ala na taki ia tagata o Iselaele ke agasala ki le Eteleno i le faiganea o Peoli, o mulimuli ki le tokoi a Palaame ; ti koia leia na vilo ai le malaia i le fakatasi a le Eteleno.

Apokalipisi 2:14

Kae ko le nea leia e kau fakafesagai ai kiate koe, talie e ke maua i lena ni kakai ala kua pipiki ki le akonaki a Palaame, leia na ako ia kia Palake ke tuku se fatu fakatupu siga i mua o vosa o Iselaele, o tupu ke lotou kai ni inati kua momoli ki taulaatua ti ke lotou fai feauaki.

Uluaki tosi a Samuele 24:20

Kapau e felavei se tasi mo lona fili, pe tuku e ia ke toe soko atu lona ala i le fulufulumalie ? Ke fakapale a koe e le Eteleno, o tupu ko le nea leia kua ke fai kiate au i le aso nei !

Uluaki tosi a Samuele 26:2

Na tuu ake loa Saulo, o ifo ki le toafa o Sife, mo tagata e tino tolu afe o le fa solia makeke o Iselaele, ke afa Tavite i le toafa o Sife.

Uluaki tosi a Samuele 26:25

Na pati loa Saulo kia Tavite : Ke tapuakina a koe, ei loku vosa ko Tavite ! E manuia loa au gaoi. Na soko atu loa e Tavite lona ala, ti na toe liliu loa Saulo ki lona kaiga