Numelo 23:3 - Tosi Tapu

³ Na pati loa Palaame kia Palake : Tuu ke ofi ki lau failaulau, ti e kau fakamamao loa : Na saga e au loa le Eteleno o fakafelavei mai kiate au, ti e kau fakasa atu loa kiate koe le folafola leia e tuku mai loa e ia kiate au. Ti na ano loa a ia ki se ganea taualuga.

Numelo 23:3 Iomraidhean Croise

Senesi 22:13

Ti na siki ake loa e Apalaamo ona mata, ti na tio loa a ia ki se ovi tagata i ona muli leia kua taofi ona tala i se ulu vao. Ti na ano loa Apalaamo o too le ovi tagata, o momoli a ia ko se sakilifisio, o fetogi ai lona vosa.

Senesi 22:2

Na pati loa le Atua : Too lou vosa, lou vosa fuatasi, leia e ke alofa ki ai, ko Isaake ; ano ki le fenua o Molisa, ti ke momoli loa a ia i le ganea lena ko se failaulau i aluga o se mauga leia e kau fakasa loa kiate koe.

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Ekesote 18:12

Ti na momoli loa e Setelo, tamana o le avaga o Moisese, se failaulau mo ni sakilifisio fakafetai ki le Atua. Na au loa Alone mo le kau matua fuli o Iselaele o kau i le kaitasi mo le tamana o le avaga o Moisese, i mua o le Atua.

Levitiko 1:1

Na kalagai loa e le Eteleno a Moisese, o masau kiate ia mei le loto o le falela tapu, o pati :

Numelo 23:12

Na tali loa Palaame, o pati : Pe leaise kau tokaga loa o fakasa le nea leia e tuku mai loa e le Eteleno ki loku gutu ?

Numelo 23:15

Na pati loa Palaame kia Palake : Tuu i leinei, o ofi ki lau failaulau, ti e kau ano loa, o felavei mo le Atua.

Numelo 23:2

Na fai loa e Palake le nea leia na pati ki ai Palaame. Ti na momoli loa e Palake mo Palaame se pipi tagata mo se ovi tagata i aletale taki tasi.

Numelo 23:26

Na tali loa Palaame, o pati kia Palake : Pe na leaise kau fakasa fakatomua atu kiate koe : e kau fai loa a nea fuli ala e pati loa ki ai le Eteleno ?

Numelo 23:4

Na au loa le Atua ki mua o Palaame, ti na pati loa Palaame kiate ia : Kua kau fakatuu ni aletale e fitu, ti kua kau momoli se pipi tagata mo se ovi tagata i aluga o aletale taki tasi.

Numelo 24:1

Na matala loa a Palaame kua malie ki le Eteleno ke tapuaki ki Iselaele ; ti na leaise toe ano loa a ia o afa se puleaki ke toe sa ake ai le Eteleno kiate ia, ofaipe la ake faiaga i mua. Kae na maliu loa ona mata ki le fetuu o le toafa.

Mateo 4:8

Na toe ave loa a ia e le Tiapolo ki se mauga taualuga ai, ti na fakasa loa e le Tiapolo kiate ia a puleaga fuli o le malama nei mo olatou kololia,

Sosue 24:10

Kae na leaise kau fia logo fua kia Palaami ; ti na tuku loa e ia kia koutou se tapuaki, ti na kau saofaki loa koutou mei le lima o Palaki.