Numelo 23:1 - Tosi Tapu

¹ Na pati loa Palaame kia Palake : ke ke fakatuu loa i leinei ni aletale e fitu kiate au, ti ke teuteui loa i leinei ni pipi tagata e fitu mo ni akeno tagata e fitu.

Numelo 23:1 Iomraidhean Croise

Lua tosi o Sau 18:22

E lagi kotou pati mai loa : Ko le Eteleno, lomatou Atua, leia e motou fanaki ki ai. Pe leaise ko ia leia na fakapuli e Esekiasi ona ganea taualuga mo ona aletale, o pati ki Suta mo Selusalemi : E kotou punou loa i mua o le aletale leinei i Selusalemi ?

Uluaki tosi o Koloniko 15:26

Na tuku loa e le Atua lana puipui ki le kau Levi ala na amo ia le aleka o le sai a le Eteleno ; ti na momoli loa ni pipi tagata e fitu mo ni ovi tagata e fitu.

Lua tosi o Koloniko 29:21

Na lotou momoli loa ni pipi tagata e fitu, mo ni ovi tagata e fitu, mo ni akeno e fitu, mo ni koti e fitu, ko se sakilifisio fakamea o le puleaga, mo le sagatualio, ti mo Suta. Na fakatotonu loa e le sau ki le kau tagata faisakilifisio, vosa o Alone, ke momoli a sakilifisio i le aletale o le Eteleno.

Sopo 42:8

Kotou too i le lakaga nei ni pipi tagata e fitu mo ni akeno tagata e fitu, ti kotou ano ki laku tagata fakasausau ko Sopo, ti kotou momoli se failaulau o tupu ko koutou. E faikole loa laku tagata fakasausau ko Sopo o uiga mo koutou, ti ko loku alofa kia Sopo toka tasi leia e leaise kau tautea ai loa koutou o mulimuli ki lokoutou valelea ; talie na leaise kotou masau kiate au i le maoki, ofaipe laku tagata fakasausau ko Sopo.

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Esekiele 33:31

Ti e lotou au toka api kiate koe, ti e tonatona loku kakai i ou mua ; e lotou fakalogo ki au folafola, kae e leaise lotou fai fuai latou, talie e kakata olatou gutu ki ai, ti e manumanu koloa olatou loto.

Esekiele 45:23

I aso e fitu o le Pasikate, e momoli loa e ia se failaulau ki le Eteleno ko ni pipi tagata e fitu, mo ni akeno tagata lee mele e fitu, i aso taki tasi o aso ana e fitu, mo se koti tagata ki le sakilifisio fakamolemole o agasala, i aso taki tasi.

Numelo 22:41

I le usu, na too loa e Palake a Palaame, ti na fakapale loa e ia a ia ki le mauga ko Pamoti-Paale, o tio loa Palaame mei ai ki se koga o le kakai o Iselaele.

Numelo 23:2

Na fai loa e Palake le nea leia na pati ki ai Palaame. Ti na momoli loa e Palake mo Palaame se pipi tagata mo se ovi tagata i aletale taki tasi.

Numelo 23:29

Na pati loa Palaame kia Palake : Fakatuu i leinei ni aletale e fitu, ti ke teuteui mai kiate au ni pipi tagata e fitu mo ni ovi tagata e fitu.

Numelo 23:30

Na fai loa e Palake le nea leia na pati Palaame ki ai, ti na momoli loa e ia se pipi tagata e tasi mo se ovi tagata e tasi i aluga o aletale taki tasi.

Numelo 29:32

I le fitu o aso, e kotou momoli loa ni pipi tagata muli e fitu, mo ni ovi tagata e lua, mo ni akeno fetuu taki tasi e kau agafulu tupu fa ala e lee mele fuli loa,

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.