Numelo 21:8 - Tosi Tapu

⁸ Na pati loa le Eteleno kia Moisese : Fai se gata kapa kiate koe, ti ke fakapipiki loa a ia ki se pou laakau ; ko leia e uuti loa e se gata, ti e tio loa a ia ki le gata kapa, e mauli loa i ai.

Numelo 21:8 Iomraidhean Croise

Lua tosi o Sau 18:4

Na fakapuli loa e ia a ganea taualuga, ti na maumaui loa e ia a fakatata, ti na sele loa e ia ki lalo a pou tapu, ti na momoi loa e ia le gata sila leia na fai e Moisese, o tupu na tutu e fanau o Iselaele ni nea fakamanogi i ona mua o kaku mai ki le aso lena.

Pesalemo 145:8

E manava alofa le Eteleno, ti e apele a ia i le loto alofa ; E taofi fualoa e ia lona ita, ti e apele a ia i le agamalie.

Esaia 14:29

Aua na ke fakafiafia, fenua o le kau Filisitini, I le fatii o le laakau leia na taai ia a koe ! Talie e ulu loa mei le aka o le gata se gata utikona, Ti e liliu loa lona fua ko se talakone lele.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Soane 3:14

Ti ofaipe Moisese na fakatuu ia le gata i le toafa, e tonu foki ke fakatuu le Vosa o le tagata ki aluga,