Numelo 21:2 - Tosi Tapu

² Ti na fai loa e Iselaele se fakapapau ki le Eteleno, o pati : Kapau e ke tuku mai loa le kakai lena ki oku lima, ti e kau maumaui fuli loa ona kolo.

Numelo 21:2 Iomraidhean Croise

Senesi 28:20

Ti na fai loa e Sakopo lana fakapapau, o pati : Kapau e nofo le Atua mo au, o taupau au i le fanoga leia e kau fai, kapau e tuku mai e ia kiate au se pane ke kau kai mo ni teu ke kau lava,

Pesalemo 116:18

E kau fai loa aku fakapapau ki le Eteleno, I mua o lona kakai katoa,

Pesalemo 132:2

Na fakapapau loa a ia ki le Eteleno, Na fai loa e ia le fakapapau leinei ki le mafimafi a Sakopo :

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Tetelonome 13:15

Ti kapau e ke maua loa kua fai maoki le nea lena i loto malie o ou, ke ke tamate loa ki le seleta le kakai katoa o le kolo lena mo manu fuli, ti ke maumaui loa le kolo mo nea fuli ala e maua i ai.

Tetelonome 13:16

Ke ke tanaki loa le koloa katoa ki loto malie o le kolo, ti ke tutu katoa loa i le afi le kolo mo ona koloa fuli, i mua o le Eteleno, lou Atua : e tuu loa a ia ko se tuuga nea maumau, e leaise toe fakatuu loa a ia i se aso.

Tetelonome 20:16

Kae ki kolo o puleaga ala e soli atu loa kiate koe e le Eteleno, lokoutou Atua, ke ke maua tofiga lolatou fenua, ke aua na ke tuku loa le mauli ki se nea leia e tukumanava.

Tetelonome 7:2

E tuku atu loa e ia latou kiate koe, ke ke pule kia latou, ti e ke malo loa ia latou, ti e ke tamate loa latou. Ke aua na ke fai loa se sai mo latou, ti ke aua na ke maua ia loa se ga alofa fakaikiiki fua kia latou.

Sosue 6:17

Ke maumaui loa le kolo mo nea fuli e maua i ai, talie kua fakatapui a ia ki le Eteleno. Kae e tuku loa le mauli ki le fafine faiaga ko Laape ti mo latou fuli ala e nonofo loa mo ia i lona loto fale, talie na fakamumuni e ia a tagata avelogo ala na tou kakau.

Sosue 6:26

I le aso lena, na fai loa e Sosue le fakapapau leinei : Ke malaia i mua o le Eteleno le tagata leia e tuu loa ki aluga o toe fakatuu le kolo leinei ko Seliko. E kenu loa e ia ona fakavae o totogi ki lona vosa uluaki ; ti e tau loa e ia ona matapa o totogi ki lona vosa lua.

Tuifakamaau 11:30

Na fai loa e Sefete se fakapapau ki le Eteleno, o pati : Kapau e ke tuku loa ki oku lima a vosa o Amone,

Uluaki tosi a Samuele 1:11

Na fai loa e ia se fakapapau, o pati : Eteleno o kau tau ! kapau e ke alofa loa o tagaki mai ki le mamae o lau fafine fakasausau, kapau e ke manatui loa au ti e leaise ke galoi loa lau fafine fakasausau, ti kapau e ke soli loa ki lau fafine fakasausau se vosa, e kau momoli loa a ia ki le Eteleno i lona mauli katoa, ti e leaise fakalaka loa le tele i lona ulu.