Numelo 20:16 - Tosi Tapu

¹⁶ Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Numelo 20:16 Iomraidhean Croise

Ekesote 14:10

Na fakafeofi loa Falaone kia latou. Ti na tio loa fanau a Iselaele, ti ko leinei kua au le kau Esipito i olatou muli. Ti na i lasi loa fanau a Iselaele, ti na lotou kalaga loa ki le Eteleno.

Ekesote 14:19

Ti na ano loa le Aselo o le Atua, leia na saele i mua o le kau tau o Iselaele, o tuu i olatou muli ; ti na siki loa le pou ao leia na ano i olatou mua, o ano o tuu i olatou muli.

Ekesote 23:20

Ko leinei, e kau kakau se aselo i ou mua, ke puipui ia a koe i le ala, ti mo fakakaku ia a koe ki le ganea leia kua kau teuteui.

Ekesote 33:2

E kau kakau loa i ou mua se aselo, ti e kau kapu loa le kau Kanaane, mo le kau Amole, mo le kau Eti, mo le kau Felesi, mo le kau Evi, mo le kau Sepusi.

Ekesote 6:5

Kua kau logo ki tagi a fanau a Iselaele, ala e taomi e le kau Esipito i le popula, ti kua kau manatui loa laku fakapapau.

Taniela 6:22

Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

Numelo 20:15

Na ifo omatou tamana ki Esipito, ti na motou nonofo i ai o fualoa. Kae na fakavelivelii matou e le kau Esipito ti mo omatou tamana.

Numelo 21:22

Fakataga mai ke kau fakalaka i lou fenua ; e leaise motou ulu loa ki ou faisaga magiti, mo ou faisaga vite, ti e leaise motou inu loa le vai o ou sosoni, e motou mulimuli loa i le ala lasi, o kaku ki lamatou fakasili i lou fenua.

Numelo 33:37

Na lotou mavae loa i Katesi, ti na lotou nonofo loa i le mauga ko Oli, i le taupotu o le fenua ko Etome.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Sosue 15:1

Ko le tofiga leia na tuku e le toso ki le faasiga o Suta, o mulimuli ki olatou famili, na mafola o kaku ki le koiga o Etome i le toafa o Sini, i le saute, i le taupotu oki o le saute.