Numelo 20:12 - Tosi Tapu

¹² Ti na pati loa le Eteleno kia Moisese mo Alone : Talie na leaise kolua tui mai kiate au, o fakasa loku maokioki i mua o fanau a Iselaele, e leaise kolua fakaulu ia loa le kakai leinei ki le fenua leia e kau soli kiate ia.

Numelo 20:12 Iomraidhean Croise

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Pesalemo 106:32

Na lotou toe fakatupu loa le sausau o le Eteleno i vai o Melipa ; Ti na tautea loa Moisese o tupu ko latou,

Pesalemo 99:8

Eteleno, lomatou Atua, na ke tali loa latou, Na ke liliu loa kia latou ko se Atua leia e fakamolemole, Kae na ke tautea latou o tupu ko alatou agasala.

Esaia 7:9

Ko le ulu o Efalaimi ko Samalia, Ti ko le ulu o Samalia ko le vosa o Lemalia. Kapau e leaise kotou tui, Ti e leaise kotou tologa loa.

Esaia 8:13

Ko le Eteleno o kau tau leia e tonu ke kotou iloa ko le Maokioki, Ti ko ia leia e tonu ke kotou i ki ai, ti ke kotou lulu ki ia.

Esekiele 20:41

E kau tali loa koutou ofaipe se kaloni manogi fakaaloalofa, mo ka kau fakamavae loa koutou i loto malie o kakai, ti mo fakatasii koutou i fenua ala na kotou mavetevete ai ; ti e kotou fakasa loa i ai loku maokioki i mua o atu puleaga.

Esekiele 36:23

E kau fakamaokioki loa loku suafa lasi, leia na fakakelekele i lotolotoga o atu puleaga, leia na kotou aga o fakakelekele i loto malie o atu puleaga. Ti e iloa loa e atu puleaga ko au ko le Eteleno, e pati le Aliki, le Eteleno, i le aso leia e kotou fakamea ai loa loku suafa i olatou mua.

Esekiele 38:10

Koia e folafola ai le Aliki, le Eteleno, o pati : I le aso lena, e malaga loa ni manatu i lou loto, Ti e ke fai loa ni fakatuutuu veveli.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Numelo 11:15

Ti kapau e ke fai fenaaki kiate au, ti e malie ake ke ke tamate au ! E ke fakasa loa i ai lou agamalie kiate au, ti e leaise kau tio loa ki le malaia o loku kakai.

Numelo 20:24

Ka mate loa Alone. Talie e leaise ulu loa a ia ki le fenua leia e kau soli ki fanau a Iselaele, o tupu na leaise kolua fakalogo ki laku fakatotonu, i le vai o Melipa.

Numelo 27:14

talie na kolua agatuu ki laku fakatotonu, i le toafa o Sini, i le aso leia na fakatupu fefele ai le kakai kiate au : Na leaise kolua fakasa loku maokioki i mata o fanau a Iselaele, i le aso leia na lotou tagi ai ki se vai. Ko vai ana o Melipa, vai o fefele, i Katesi, i le toafa o Sini.

Mateo 17:17

Na tali loa Sesu : Lanu tui gataa mo aga fakalialia, e kaku loa kiafea laku nofo mo koutou ? E kaku loa kiafea laku kataki kia koutou ? Aumai a ia ki leinei.

Mateo 17:20

Na pati loa Sesu kia latou : E tupu ko lokoutou tui gataa. E kau pati maoki atu kia koutou, kapau e kotou maua se tui ofaipe se fuai sinapi ; e kotou pati loa ki le mauga lena : Mataaki i leinei ki leia, ti e mataaki loa a ia ; e leaise toe faigataa loa se nea kia koutou.

Luka 1:20

Ti ko leinei, e ke gutu mate loa, ti e leaise mafai loa lau masau o kaku ki le aso leia e soko ai loa a nea ana, talie na leaise ke tui ki aku folafola, ala e soko loa i lona temi.

Luka 1:45

Manuia leia na tui : talie e fakasoko loa a nea ala na fakasa kiate ia mei le Aliki.

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Loma 4:20

Na leaise toe lotolotolua a ia ki le fakapapau a le Atua, i le tui gataa ; kae na fakamakeke a ia e le tui, o fakakololia a ia ki le Atua,

Tetelonome 1:37

Na sausaua foki le Eteleno kiate au, o tupu ko koutou, ti na pati loa a ia : Ko koe foki, e leaise ke ulu loa ki le fenua.

Tetelonome 34:4

Na pati loa le Eteleno kiate ia : Ko lena le fenua leia na kau fakapapau kia Apalaamo, mo Isaake, mo Sakopo, o pati : E kau soli loa a ia ki okoutou sakoga. E kau fakatio a koe ki ai, kae e leaise ke ulu loa ki ai.

Tetelonome 4:21

Ti na sausaua loa le Eteleno kiate au o tupu ko koutou, ti na fakapapau loa e ia e leaise kau fakalaka loa i le Solotane, ti e leaise kau ulu loa ki le fenua malie leia e soli kiate koe e le Eteleno, lou Atua, ko lou tofiga.

Sosue 1:2

Kua mate laku tagata fakasausau ko Moisese. I le aso nei, tuu ki aluga o fakalaka i le Solotane leinei, a koe mo le kakai katoa leinei, o ulu ki le fenua leia e kau soli ki fanau a Iselaele.

Uluaki tosi a Petelo 3:15

Kae ke kotou fakaapaapa i okoutou loto kia Kilisito ko le Aliki ; ti ke kotou nofo teuteu fuai ke tali i le agamalu mo le fakaapaapa ki leia e afa atu ia kia koutou le uiga o le amanaki malie leia ia koutou,