Numelo 19:9 - Tosi Tapu

⁹ E tanaki loa e se tagata mea le mugalafu o le pipi fafine, ti e ave loa e ia a ia ki se ganea mea i fafo o le nofolaga ; e taupau loa a ia ki le fakatasi o fanau a Iselaele, ke fai ai le vai o le fakamea. Ko se vai a ia o le fakamalie.

Numelo 19:9 Iomraidhean Croise

Levitiko 15:20

Ko moeaga fuli ala e moe ai loa a ia mo ekeekeaga fuli ala e eke ai loa a ia, i lona menise, e kelekele loa.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Numelo 19:13

Ko leia e lave loa ki se mate, ki le tino o se tagata leia e mate loa, kae leaise fakamea loa a ia, e fakakelekele loa e ia le tapenakulo o le Eteleno ; e tuuti loa a ia mei Iselaele. Talie na leaise afusi kiate ia le vai fakamea, e kelekele a ia, talie koi nofo lona kelekele iate ia.

Numelo 19:17

E tonu ke too loa ki leia e kelekele, se mugalafu o le vikitima fakamalie leia na tutu, ti e liligi loa ki ai se vai mauli ki se ipu.

Numelo 19:18

E too loa e se tagata mea se taulu isopa, o ukui loa aia ki le vai ; ti e afusi loa e ia ki ai le falela, mo nea fuli i loto, ti mo latou fuli ala e nonofo i loto, ti e toe tatau foki ki leia na lave ki ni ivii tagata pe ki se tanuma.

Numelo 19:3

E kotou tuku loa a ia ki le tagata faisakilifisio ko Eleasale, leia e taki ia loa a ia ki fafo o le nofolaga, ti e tamate loa a ia i ona mua.

Numelo 19:8

Ko leia na tutu ia loa le pipi fafine e fakamea loa e ia ona kofu, ti e maanu katoa loa a ia i se vai, ti o ulu loa a ia ki le nofolaga ; kae e kelekele loa a ia o kaku ki le afiafi.

Numelo 6:12

E toe fakatapui loa e ia ki le Eteleno a aso o lona nasilea, ti e toe momoli loa e ia se akeno fetuu tasi ki le sakilifisio fakamalie ; E leaise toe lau loa a aso ala i mua, talie na fakakelekele lona nasilea.

Numelo 8:7

Ko leinei le nea leia ke ke fai loa ke fakamea ai latou. E ke fai loa kia latou se afusi ki le vai o le fakamea ; e lotou tele loa a fulu i olatou kuaga katoa ti e lotou fo loa olatou kofu, ti e lotou mea loa.

Numelo 9:13

Kapau e leaise fai loa le Pasikate e leia e mea pe ko leia e leaise fanoga i se fenua mamao, e tuuti loa le tagata lena mei lona kakai, talie na leaise ave e ia le moliga ki le Eteleno i lona aso leia kua fakatuutuu ki ai, ti e amo loa e le tagata lena le tua o lana agasala.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Epelo 9:13

Talie kapau ko le toto o koti mo uviki pipi tagata, ti mo le mugalafu o se pipi fafine leia e liligi kia latou ala e kelekele, e fakamaokioki ia mo tuku ia le mea o le kanofi,