Numelo 19:3 - Tosi Tapu

³ E kotou tuku loa a ia ki le tagata faisakilifisio ko Eleasale, leia e taki ia loa a ia ki fafo o le nofolaga, ti e tamate loa a ia i ona mua.

Numelo 19:3 Iomraidhean Croise

Levitiko 16:27

E ave loa ki fafo o le nofolaga le pipi tagata o le fakamalie mo le koti tagata o le fakamalie, ala kua ave ola toto ki le sagatualio ke fai ai le fakamalie, ti e tutu loa e le afi ola kili, mo ola tino, ti mo ola faikauga.

Levitiko 24:14

Fakamavae mei le nofolaga le tagata leia na lau veli. Ti ko latou fuli ala na logo kiate ia ke lotou teki loa olatou lima ki lona ulu, ti ke tuki fatui loa a ia e le kakai katoa.

Levitiko 4:11

Kae ko le kili o le pipi tagata, mo lona tino katoa, mo lona fa ulu, mo ona vae, mo ona vava, mo ona faikauga,

Levitiko 4:12

Ti mo le pipi tagata katoa, e ave loa e ia ki fafo o le nofolaga ki se ganea mea leia e laku ki ai a mugalafu, ti e tutu loa e ia le pipi tagata i le afi i aluga o ni fafie. Talie e tonu ke tutu a ia i aluga o le tuuga mugalafu.

Levitiko 4:21

E ave loa e le tagata faisakilifisio le pipi tagata ki fafo o le nofolaga, o tutu a ia i ai ofaipe lana tutu le uluaki pipi tagata. Ko le sakilifisio a ia ki le agasala o le kakai.

Numelo 15:36

Na ave loa a ia e le fakatasi katoa ki fafo o le nofolaga, ti na lotou tuki fatui loa a ia, ti na mate loa a ia, o mulimuli ki le fakatotonu a le Eteleno kia Moisese.

Numelo 19:9

E tanaki loa e se tagata mea le mugalafu o le pipi fafine, ti e ave loa e ia a ia ki se ganea mea i fafo o le nofolaga ; e taupau loa a ia ki le fakatasi o fanau a Iselaele, ke fai ai le vai o le fakamea. Ko se vai a ia o le fakamalie.

Numelo 3:4

Na mate loa Natape mo Apiu i mua o le Eteleno, o tupu na la ave ia se afi kese ki mua o le Eteleno i le toafa o Sinai ; na la sala vosa. Ti na fai loa e Eleasale mo Itamale le gaoi o tagata faisakilifisio i mua o lola tamana ko Alone.

Numelo 5:2

Fakatotonu ki fanau a Iselaele ke fakamavae mei le nofolaga a kilia fuli, mo tagata fuli ala e nofo mo se masaki fakatagata, ti mo tagata fuli ala kua kelekele i se mate.