Numelo 19:16 - Tosi Tapu

¹⁶ Ko leia e lave loa i le vao ki se tagata leia na tamate e le seleta, pe ki se tasi leia na mate toka tasi, pe ki ni ivii tagata, pe ki se tanuma, e kelekele loa a ia i aso e fitu.

Numelo 19:16 Iomraidhean Croise

Esaia 52:11

Kotou ano, kotou ano, kotou mavae i lena ! Aua na kotou fafa ki se nea kelekele ! Kotou mavae i loto malie o ona ! Kotou fakamea, koutou ala e amo ia a ipu o le Eteleno !

Esekiele 44:26

I le oki o lona fakamea, e nofo loa a ia i aso e fitu, e leaise tausi loa a ia i le fale tapu.

Levitiko 21:1

Na pati loa le Eteleno kia Moisese : masau ki le kau faisakilifisio, vosa o Alone, o pati kia latou : E leaise fakakelekele loa le tagata faisakilifisio i lona kakai o tupu ko se mate,

Numelo 19:11

Ko leia e lave loa ki se mate, ki se tino o se tasi kua mate, e kelekele loa a ia i aso e fitu.

Numelo 19:15

Ko ipu fuli ala e tuku mavaa, ala e leaise teki i ai se tapono leia kua sai, e kelekele loa.

Numelo 31:19

Ti ko koutou, ke kotou nonofo i fafo o le nofolaga i ni aso e fitu ; ko latou fuli ala na tamate ia se tagata, mo latou fuli ala na lave ki se mate, e fakamea loa i le tolu o aso mo le fitu o aso, latou mo alatou kau pilisoni.

Numelo 5:2

Fakatotonu ki fanau a Iselaele ke fakamavae mei le nofolaga a kilia fuli, mo tagata fuli ala e nofo mo se masaki fakatagata, ti mo tagata fuli ala kua kelekele i se mate.

Numelo 6:6

I le temi katoa o lona fakatapui ki le Eteleno, e leaise fakafeofi loa a ia ki se tasi leia kua mate ;

Numelo 9:6

Kae na i ai ni tagata ala na kelekele o tupu ko se mate, ti na leaise feala loa ke lotou fai le Pasikate i le aso lena. Na lotou ano loa kia Moisese mo Alone ;

Mateo 23:27

Malaia kia koutou, kau sekelipa mo kau faliseo malualoi ! Talie e kotou faipe ni tanuma tetea, ala e sa mai i tafa e fulumalie, kae i loto, e kotou apele ko ivi mate ti mo kelekele fuli.

Luka 11:44

Malaia kia koutou ! Talie e kotou faipe ni tanuma ala e leaise mailoga, ti e saele ai i aluga kae e leaise iloa.