Numelo 18:8 - Tosi Tapu

⁸ Na pati loa le Eteleno kia Alone : Ko leinei, i nea fuli ala e fakatapui mai kiate au e fanau a Iselaele, e kau soli kiate koe a nea ala na momoli mai kiate au ki le siki tapu. E kau soli latou kiate koe mo ou vosa, ofaipe se totogi o le fakanofo, i se lao leia e tuku sosolo.

Numelo 18:8 Iomraidhean Croise

Lua tosi o Sau 12:16

Na leaise aumai loa ki le fale o le Eteleno le paaga o sakilifisio ki le agasala ti mo sakilifisio fakamolemole : na tuku le paaga lena ki le kau tagata faisakilifisio.

Lua tosi o Koloniko 31:4

Ti na pati loa a ia ki le kakai, mo Selusalemi, ke soli le vaega o le kau tagata faisakilifisio mo le kau Levi, o tupu ke lotou tausi agatonu le lao a le Eteleno.

Lua tosi o Koloniko 31:5

I le mafola o le logologo lena i le kakai, na soli loa e fanau a Iselaele a uluaki fua o le fulumeto, mo le vino, mo le lolo, mo le meli ti mo fua fuli o faisaga, o lasi ai ; na lotou aumai foki o lasi le vaega kau agafulu o nea fuli.

Ekesote 28:43

E tui loa e Alone mo ona vosa a vavae loto ana, mo ka lotou ulu loa ki le falela, peka e lotou fakafeofi loa ki le aletale, o fai a gaoi i le sagatualio. Ti e leaise lotou sala loa, ti e leaise lotou mamate loa. Ko se lao lena ke tuu mau kia Alone mo lona sakoga i ona muli.

Ekesote 29:21

E ke too loa se toto i le toto leia e tuku i aluga o le aletale ti mo se lolo tapu, ti e ke afusi loa ki ai Alone mo ona kofu, ti mo ona vosa mo olatou kofu. E ke fakatapui loa i ai Alone mo ona kofu, ti mo ona vosa mo olatou kofu.

Ekesote 29:28

E tuu loa a ia ko se lao ke tuku sosolo i tautupu mo tautupu i fanau a Iselaele : E soli loa a inati ana kia Alone mo ona vosa, i manu fuli ala e momoli mai kiate au e fanau a Iselaele i alatou sakilifisio fakafetai.

Ekesote 29:29

Ka mate loa Alone, ti e tuku loa ona teu tapu ki ona vosa. E lotou tui loa a teu ana i le aso leia e fakatapui ai loa latou mo fakanofo ai loa latou ki le gaoi fakapelepitelo.

Ekesote 40:13

E ke fakatui loa kia Alone a kofu tapu, ti e ke pani loa a ia ki le lolo, ti e ke fakatapui loa a ia ke tausi kiate au i le gaoi fakapelepitelo.

Ekesote 40:15

ti e ke pani loa latou ki le lolo ofaipe lau pani lolatou tamana, o tupu ke lotou gaoi kiate au i le gaoi fakapelepitelo. Ko lolatou pani lena ki le lolo e fakamaoki ai loa latou o tuumau ki le gaoi fakapelepitelo i olatou sakoga.

Esaia 10:27

I le aso lena, e too loa e ia lana amoga i lou tuauma, Ti mo lana laakau taki i lou ua Ti e maumaui loa e ia le laakau taki i lou ua.

Levitiko 21:10

Ko le tagata faisakilifisio lasi, leia kua fakanofo ko le pule o ona fetaina, leia kua fakatapui e le lolo tapu i le aso leia na kamata ai lana gaoi, ti kua tui ia a kofu tapu, e leaise veuki loa e ia lona lau ulu, ti e leaise sae loa e ia ona kofu.

Levitiko 23:20

E fai loa e le tagata faisakilifisio le siki tapu o vikitima ana i mua o le Eteleno, mo le fa pane o uluaki fua, ti mo akeno e lua : e fakatapui loa latou ki le Eteleno, ti e maua loa latou e le tagata faisakilifisio.

Levitiko 6:16

Talie ko moliga nea kai fuli ala e fai e se tagata faisakilifisio e tutu katoa loa e le afi : e leaise kai loa latou.

Levitiko 6:18

Masau kia Alone mo ona vosa, o ke pati kia latou : Ko leinei le lao o le sakilifisio ki le agasala. E tamate loa le vikitima i mua o le Eteleno, i le ganea leia e tamate ai a manu o failaulau. Ko se nea maokioki lasi a ia.

Levitiko 6:20

Ko nea fuli ala e lave loa ki le sakilifisio lena, e liliu loa o maokioki. Ti kapau e pipii loa se ga toto ki se kofu, ti e fakamea loa le potu o le kofu lena na totototoa i se ganea mea ;

Levitiko 7:14

E too loa e ia i moliga ana se nea e tasi i nea fuli ana ki le Eteleno ; kae maua loa le toe e le tagata faisakilifisio leia na liligi ia le toto o le vikitima o le komunio.

Levitiko 7:28

Na masau loa le Eteleno kia Moisese, o pati :

Levitiko 7:6

E kai loa ki ai a tagata fuli i le kau faisakilifisio ; kae tonu ke kai loa a ia i se ganea tapu ; talie ko se nea maokioki lasi a ia.

Levitiko 8:30

Ti na too loa e Moisese le lolo o le fakatapu mo le toto leia na teki i aluga o le aletale, ti na fai loa e ia ki ai le afusi o Alone mo ona kofu tapu, ti mo vosa o Alone mo olatou kofu tapu.

Numelo 18:9

Ko nei a nea ala e ke maua loa i nea taputapu ala kua sao i le afi : ko alatou moliga nea kai fuli, mo alatou nea alofa fuli, ti mo alatou sakilifisio fakamalie fuli, ala e lotou momoli mai loa kiate au. E tuku loa a nea taputapu ana kiate koe mo ou vosa.

Numelo 5:9

Ko vaega fuli ala e too loa i se moliga tapu leia na ave e fanau a Iselaele e maua loa e le tagata faisakilifisio.

Uluaki tosi ki le kau Kolinto 9:13

Pe leaise kotou iloa ko latou ala e fai ia a gaoi tapu e fagai e le fale tapu, ti ko latou ala e tausi i le aletale e kau ki nea o le aletale ?

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:6

Ko lena loa le ganea leia e tonu ke kotou momoli ai loa akoutou failaulau, mo akoutou sakilifisio, mo akoutou vaega kau agafulu, mo akoutou moliga alofa, mo akoutou moliga ki ni fakapapau, mo manu uluaki o akoutou kau manu lalasi mo akoutou kau manu liliki.

Tetelonome 18:1

E leaise maua loa e le kau Levi faisakilifisio, le faasiga katoa o levi, se vaega mo se tofiga mo Iselaele. E lotou mauli loa ki sakilifisio tutu e le afi ki le Eteleno, mo le tofiga o le Eteleno.

Tetelonome 26:13

E ke pati loa i mua o le Eteleno, lou Atua : Kua kau sau i oku fale le nea leia na fakatapui ki le Eteleno, ti kua kau soli a ia ki le Levi, mo le matapule, mo le fanau leia e sala tamana, mo le fafine leia e sala avaga, o mulimuli ki au fakatotonu fuli ala na ke tuku mai kiate au ; na leaise kau maumaui loa se lao fua e tasi o au lao, ti na leaise galo iate au se lao fua e tasi.

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.

Uluaki tosi a Soane 2:20

Kia koutou, kua kotou maua le Laumalie Maokioki mei leia e maokioki, ti kua kotou iloa fuli le maoki.

Uluaki tosi a Soane 2:27

Kia koutou, ko le pani lolo leia na kotou tali meiate ia e nofo tuumau ia koutou, ti e leaise aoga ke akonaki atu se tasi kia koutou. Kae tupu na ako koutou i nea fuli e le pani lolo lena, leia e maoki, ti e leaise ko se loi a ia, ke kotou nonofo tuumau iate ia o mulimuli ki akonaki ala na tuku atu e ia kia koutou.