Numelo 18:5 - Tosi Tapu

⁵ E kotou tokaga loa ki le tausi o le sagatualio mo le aletale, o tupu ke aua na toe vilo se sausau ki fanau a Iselaele.

Numelo 18:5 Iomraidhean Croise

Uluaki tosi o Koloniko 23:24

Ko vosa ana o Levi, o mulimuli ki famili o olatou tamana, ko pule latou o famili o olatou tamana, o mulimuli ki lolatou api mo lolatou tosi taki toka tasi i le tosi. Na lotou tokaga ki le tausi o le fale o le Eteleno, mei le fetuu kau lua ki aluga.

Uluaki tosi o Koloniko 23:32

Na lotou tokaga ki le falela tapu, mo le sagatualio, kae na tokaga olatou fetaina, vosa o Alone, ki le tausi o le fale o le Eteleno.

Uluaki tosi o Koloniko 24:5

Na fakavaevae latou ki le toso, o tupu ke maua fakatatau ni pule o le sagatualio mo ni pule o le fale o le Atua i vosa o Eleasale mo vosa o Itamale.

Uluaki tosi o Koloniko 9:19

Mo Salume, vosa o Kole, vosa o Epiasafe, vosa o Kole, mo ona fetaina mei le fale o lona tamana, le kau Kole, na pule a ia ki gaoi o le leo matapa o le falela ; na leoleo e olatou tamana le uluaga o le nofolaga tau o le Eteleno.

Uluaki tosi o Koloniko 9:23

Ko latou mo olatou fanau na leo ia a matapa o le fale o le Eteleno, mo matapa o le falela taputapu.

Uluaki tosi o Koloniko 9:33

Ko latou ana ko pule sua, ko pule famili o le kau Levi, na lotou nonofo i kogafale, ti na leaise lotou toe kau ki ni iki ake gaoi, talie na lotou gaoi i le ao mo le pouli.

Ekesote 27:21

E teuteui loa le lolo e Alone mo ona vosa i le falela o le fakapapau, i le potu tapu i mua o le lito, leia e tapono ia le aleka o le fakapapau ; e ula loa malama i mua o le Eteleno mei le afiafi o kaku ki le usu. Ko se lao lena ke tuku sosolo ki olatou sakoga ti ke taupau e fanau a Iselaele.

Selemia 23:15

Koia e folafola ai le Eteleno o kau tau, o pati ki le kau polofeta : Ko leinei, e kau fagai loa latou ki le laakau kona, Ti e kau fakainu loa latou ki se vai kona ; Talie kua mafola le tausi veli ki le Atua i le fenua katoa O tupu ko kau polofeta o Selusalemi.

Esekiele 44:15

Kae ko le kau faisakilifisio, le kau levita, vosa o Satoke, ala na fai ia le tausi o loku fale tapu i le temi leia na sese ai fanau o Iselaele o mamao iate au, e fakafeofi mai loa kiate au o tausi kiate au, ti e lotou tutuu loa i oku mua o momoli mai kiate au le gako mo le toto, e pati le Aliki, le Eteleno.

Esekiele 44:16

E lotou ulu loa ki loku sagatualio, ti e lotou fakafeofi mai loa ki loku laupapa o tausi kiate au, io, e lotou tausi loa kiate au.

Levitiko 10:6

Ti na pati loa Moisese kia Alone, mo Eleasale, mo Itamale, vosa o Alone : aua na kotou fakatekateka okoutou fa ulu ; aua na kotou sae okoutou kofu ke fakamailoga ai le mate ; talie e kotou aumai loa le mate kia koutou ti mo le sausau o le Eteleno ki le kakai o Iselaele. Kotou tuku okoutou fetaina fuli ko fanau a Iselaele ke tagi kia latou ala kua tamate e le Eteleno ki le afi.

Levitiko 24:3

E teuteui loa e Alone le tuuaga malama aulo i le falela tapu, i mua o le lito leia e tapono ia le aleka o le fakapapau, o tupu ke mu sosoko a malama mei le afiafi o kaku ki le usu i mua o le Eteleno. Ko se lao a ia ke tuku sosoko ki okoutou tautupu.

Sakalia 10:3

Kua ula loku sausau ki le kau tausi manu, Ti e kau tautea loa a ovi tagata ; Talie kua fakatele le Eteleno o kau tau ki lana kau manu, le fale o Suta, Ti kua fakaliliu e ia a ia ko lana osi fakakololia i le tau ;

Numelo 1:50

Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 16:46

ti na pati loa Moisese kia Alone : ke ke too loa lau ipu tutuaga kaloni, ti e ke tuku loa ki ai ni malala kaka mei le aletale, ti e ke liligi loa ki ai se kaloni, ti e ke ano fakatavili loa ki le fakatasi, ti e ke fai loa kia latou le sakilifisio o le fakamalie ; talie kua mapaa le sausau o le Eteleno, ti kua kamata le malaia.

Numelo 18:4

E lotou tokoi loa kia koutou, ti e lotou tokaga loa ki le tausi o le falela tapu mo gaoi fuli ala e tonu ke fai i le falela tapu. E leaise fakafeofi loa se tagata kese kia koutou.

Numelo 4:18

Aua na ke tuku ke puli a famili o Keati i loto malie o le kau Levi.

Numelo 8:19

Kua kau soli le kau Levi fuli kia Alone mo ona vosa, mei loto malie o fanau a Iselaele, ke lotou fai le tausi a fanau o Iselaele i le falela tapu, ke lotou fai le fakamalie ki fanau a Iselaele, ti ke aua na soko loa se malaia ki fanau a Iselaele, o tupu na lotou fakafeofi ki le sagatualio.

Numelo 8:2

Masau kia Alone, ti ke pati loa kiate ia : ka ke fakatuutuu ia loa a fa malama, tokaga ke mu a fa malama e fitu ki mua o le tuuaga malama,

Uluaki tosi kia Timoteo 1:18

Ko le fakatotonu leia e kau fai atu kiate koe Timoteo, ko laku fanau, o mulimuli ki folafola kikite ala na fai kiate koe i mua, ala na fakasa ia, ke ke tau le tau malie,

Uluaki tosi kia Timoteo 3:15

kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki.

Uluaki tosi kia Timoteo 5:21

E kau kole mamae atu kiate koe i mua o le Atua, i mua o Sesu-Kilisito, ti mo mua o le kau aselo filifiliia, ke ke tokaga ki nea fuli ana, o sala fakapalatasi ti mo sala fia mata malie.

Uluaki tosi kia Timoteo 6:20

Ei Timoteo, taupau le koloa lena, o sola mei masau noa mo fakamalama, ti mo fefele o le poto loi,