Numelo 18:22 - Tosi Tapu

²² Ke aua na toe fakafeofi loa fanau a Iselaele ki le falela tapu, talie na lotou maua loa i se agasala ti ke lotou mamate loa.

Numelo 18:22 Iomraidhean Croise

Ekesote 28:43

E tui loa e Alone mo ona vosa a vavae loto ana, mo ka lotou ulu loa ki le falela, peka e lotou fakafeofi loa ki le aletale, o fai a gaoi i le sagatualio. Ti e leaise lotou sala loa, ti e leaise lotou mamate loa. Ko se lao lena ke tuu mau kia Alone mo lona sakoga i ona muli.

Levitiko 20:20

Kapau e momoe loa se tagata mo le avaga o le taina o lona tamana, e fakamatagafua loa e ia lona tamana ; e tonu loa ke la amo le veli o le agasala lena, ti e la mamate loa sala fanau.

Levitiko 22:9

E lotou tausi loa aku fakatotonu, o tupu ke aua na lotou amo ia le tua o lalatou agasala ti ke lotou mamate, talie na lotou fakakelekele a nea tapu. Ko au ko le Eteleno, leia e fakamaokioki ia latou.

Numelo 18:7

Ko koe, Alone, mo ou sakoga, e kotou fai loa lakoutou gaoi fakapelepitelo i le aletale mo le ganea taputapu i loto o le kie tapono : Ko au leia e soli fakaalofa atu ia kia koutou le gaoi fakapelepitelo. Kapau e fakafeofi mai loa se tasi kese kiate au, e tautea loa a ia ki le mate.

Numelo 3:10

E ke fakanofo loa Alone mo ona vosa ke fai ia le gaoi o le tagata faisakilifisio lasi. Ti kapau e fakafeofi loa se tagata kese ki ai, ti e tautea loa a ia ki le mate.

Numelo 3:38

Na nofo loa Moisese, mo Alone ti mo ona vosa i mua o le uluaga o le falela tapu, i le potu esite. Na lotou tokaga ki le taupau mo le tausi o le sagatualio, i le igoa o fanau a Iselaele ; ti e tautea loa ki le mate a tagata kese fuli ala e fakafeofi loa ki ai.