Numelo 18:16 - Tosi Tapu

¹⁶ E ke fakatotogi loa laua kamata i le masina tasi, o fakalogo ki lau fakafuafua, ki ni fa sikele siliva e lima, o mulimuli ki le sikele o le sagatualio, leia ko fa sikele e kau lua.

Numelo 18:16 Iomraidhean Croise

Ekesote 30:13

Ko leinei le nea leia e soli loa e latou fuli ala e kau loa i le tosi : ko se vaeluai sikele, o mulimuli ki le sikele o le sagatualio, leia ko le kau lua kela ; ko le vaeluai sikele ko le nea alofa lena leia e soli loa ki le Eteleno.

Ekesote 38:24

Ko le mamafa o le aulo leia na fakaaoga ki gaoi fuli o le sagatualio, le aulo leia na maua mei moliga, ko kilo e kau lelau valu kau fitu tupu fitu, o mulimuli ki le fua o le sagatualio.

Esekiele 45:12

E kau lua fa kela loa le fa sikele e tasi. Ti e kau ono fa sikele loa le fa mine e tasi.

Levitiko 27:25

E fai loa a totogi fuli ki le paaga o le sagatualio, leia ko kalami e kau agafulu le fa sikele paaga e tasi.

Numelo 18:15

E ke maua loa a uluaki fuli ala e lotou momoli loa ki le Eteleno, tatau fai a uluaki o tagata mo manu. Kae e ke fakatotogi loa le uluaki o le tagata, ti e ke fakatotogi loa le uluaki o le manu kelekele.

Numelo 18:17

Kae e leaise ke fakatotogi ia loa le uluaki o le pipi fafine, mo le uluaki o le ovi fafine, mo le uluaki o le koti fafine : ko nea maokioki ana. E ke liligi loa olatou toto i aluga o le aletale, ti e ke tutu loa olatou gako : ko se sakilifisio tutu e le afi, ko se nea manogi malie a ia ki le Eteleno.

Numelo 3:46

Ti na toe loa ke toe totogi a tino lelau lua tupu fitu tupu tolu (273) tagata uluaki o fanau a Iselaele, ala na fakalaka loa i le kau Levi.

Numelo 3:47

E ke tuku loa le totogi o le tagata ko fa piesi paaga e lima, i le paaga o le sagatualio, leia e kalami lima le mamafa o le fa piesi e tasi.