Numelo 18:1 - Tosi Tapu

¹ Na pati loa le Eteleno kia Alone : Ko koe, mo ou vosa, ti mo le fale o lou tamana mo koe, e kotou amo ia loa le mamae o agasala ala na fai i le sagatualio ; Ko koe mo ou vosa, e kotou amo ia loa le mamae o agasala ala na fai i lakoutou gaoi fakapelepitelo.

Numelo 18:1 Iomraidhean Croise

Ekesote 28:38

E tuu loa a ia i le lae o Alone, ti e amo loa e Alone a sala o fanau a Iselaele mo ka lotou momoli alatou moliga tapu i mua o le Eteleno, ti e tali loa e le Eteleno a fanau a Iselaele.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Esekiele 4:4

Ti e ke moe loa ki lou fetuu sema, ke tuku ki ai le agaveli o le fale o Iselaele, ti e ke amo loa lalatou agaveli i aso fuli ala e ke moe ai loa ki lou fetuu lena.

Levitiko 10:17

Kolea na leaise kolua kai ai le kanomate o le sakilifisio lena i le ganea tapu, talie ko se nea kai tapu a ia ? Kua tuku a ia e le Eteleno kia kolua, o tupu ke kolua amo ia le agasala o le kakai, o tupu ke kolua fai kiate ia le fakamolemole o agasala i mua o le Eteleno.

Levitiko 22:16

Kapau e lotou kai loa a moliga tapu kae e leaise lotou mea, e lotou teki loa ki fanau a Iselaele se agasala leia e tonu ke totogi : talie ko au ko le Eteleno, leia e fakatapui ia a moliga.

Levitiko 22:9

E lotou tausi loa aku fakatotonu, o tupu ke aua na lotou amo ia le tua o lalatou agasala ti ke lotou mamate, talie na lotou fakakelekele a nea tapu. Ko au ko le Eteleno, leia e fakamaokioki ia latou.

Numelo 14:34

Na kotou tioi le fenua i aso e kau fa, e kotou amo loa le mamae o akoutou agaveli i fetuu e kau fa, ko le fetuu e tasi ki le aso e tasi. Ti e kotou iloa ai loa le veli o le agatuu kiate au.

Numelo 16:10

Na fakafeofi e ia koutou kiate ia, a koe mo ou fetaina fuli, fanau a Levi, ti e kotou toe loto foki ki le gaoi fakapelepitelo !

Numelo 17:13

Ko leia e fakafeofi ki le tapenakulo o le Eteleno, e mate a ia. Pe tonu loa ke motou mate fuli ?

Numelo 17:3

E ke tosi loa le igoa o le tagata taki toka tasi i lona tokotoko, ti e tosi loa le igoa o Alone i le tokotoko o Levi. Talie e i ai loa se tokotoko ki le pule taki tasi o fale o olatou tamana.

Numelo 17:7

Na tuku loa e Moisese a tokotoko ki mua o le Eteleno, i le falela tapu o le fakamaoki.

Numelo 18:11

Ko leinei se tasi a nea leia e ke toe maua loa : ko nea alofa fuli ala e momoli loa e fanau a Iselaele i le siki mo le liliaki ki fetuu mo fetuu ; e kau soli latou kiate koe, mo ou vosa, mo ou taineliki, i se lao leia e tuku sosolo. E kai loa ki ai leia e mea i lou fale.

Numelo 3:6

Ke ke fakafeofi mai le faasiga o Levi, ti e ke tuku loa latou ke fakalogo ki le tagata faisakilifisio ko Alone, ti ke lotou fakasausau kiate ia.

Tetelonome 10:8

I le temi lena, na vaei kese loa e le Eteleno le faasiga o levi, ti na fakatotonu loa e ia kiate ia ke amo le aleka o le sai a le Eteleno, ke tuu i mua o le Eteleno o tausi a ia, ti mo tapuaki ki le kakai i lona suafa : leia na fai loa e ia o kaku mai ki le aso nei.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Tuifakamaau 17:12

Ti na fakatapui loa e Mika le tagata Levi ke gaoi kiate ia ofaipe se tagata faisakilifisio, ti na nofo loa a ia i le fale o Mika.