Numelo 17:13 - Tosi Tapu

¹³ Ko leia e fakafeofi ki le tapenakulo o le Eteleno, e mate a ia. Pe tonu loa ke motou mate fuli ?

Numelo 17:13 Iomraidhean Croise

Senesi 3:3

Kae ki le fua o le laakau leia e tuu i loto malie o le oloto, na pati le Atua : E leaise kolua kai loa ki ai ti e leaise kolua fafa loa ki ai, talie e kolua mamate loa.

Lua tosi a Samuele 24:25

Na fakatuu loa e Tavite se aletale ki le Eteleno i le ganea lena, ti na momoli loa e ia ni failaulau mo ni sakilifisio fakafetai. Ti na fimalie loa le Eteleno ki le fenua, ti mavae loa le malaia i Iselaele.

Uluaki tosi o Koloniko 15:13

Talie na leaise kotou kau i le uluaki aumai o le aleka, koia leia na taai ai matou e le Eteleno lotatou Atua ; o tupu na leaise motou afa lona finegalo o mulimuli ki le lao.

Pesalemo 90:7

Kua tutu matou e lou ita, Ti e motou mamae i lou sausau.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Numelo 16:26

Na masau loa a ia ki le fakatasi, o pati : Ke kotou fakamamao mei falela o tagata agaveveli ana ti ke aua na kotou fafa fua ki se nea e tasi o alatou nea, ke aua na kotou mamate fakatasi loa mo latou, o tupu ko alatou agasala fuli.

Numelo 18:1

Na pati loa le Eteleno kia Alone : Ko koe, mo ou vosa, ti mo le fale o lou tamana mo koe, e kotou amo ia loa le mamae o agasala ala na fai i le sagatualio ; Ko koe mo ou vosa, e kotou amo ia loa le mamae o agasala ala na fai i lakoutou gaoi fakapelepitelo.

Numelo 25:8

Na mulii loa e ia le tagata Iselaele o kaku ki lona falela, ti na tooi loa e ia laua toka lua ki le tao, le tagata Iselaele mo le fafine, i le lalo manava. Ti na taofi ai loa le malaia i fanau a Iselaele.

Numelo 32:13

Na mu loa le sausau o le Eteleno ki Iselaele, ti na fakaeva loa e ia latou i le toafa i fetuu e kau fa, o kaku ki le puli o le tautupu katoa leia na fai ia le nea veli lena ki mata o le Eteleno.

Gaoi 5:5

I le logo a Ananiasi ki masau ana, na teka loa a ia ki lalo, o mate. Ti na soko loa se i lasi kia latou fuli ala na logo ki nea ana.

Efeso 2:13

Kae i le temi nei, ia Sesu-Kilisito, ko koutou ala na mamao i mua, kua fakafeofi mai koutou e le toto o Kilisito.

Tetelonome 2:16

I le oki o le mate o tagata tau fuli i loto malie o le kakai,