Numelo 16:5 - Tosi Tapu

⁵ Na masau loa a ia kia Kole mo lana kakai katoa, o pati : I le usu apogipogi, e fakasa loa e le Eteleno pe ko ai leia kua filifili e ia, pe ko ai leia kua fakanofo e ia ke fakafeofi kiate ia. E fakafeofi ake loa e ia kiate ia leia ka filifili loa e ia.

Numelo 16:5 Iomraidhean Croise

Pesalemo 105:26

Na kakau loa e ia Moisese, lana tagata fakasausau, Ti mo Alone, leia na filifili e ia.

Pesalemo 115:10

Fale o Alone, fanaki ki le Eteleno ! Ko ia ko lolatou tokoi mo lolatou paletau.

Pesalemo 65:4

E fakamamae au e agasala : E ke fakamolemole loa amatou sala !

Ekesote 28:1

Fakafeofi mai kiate koe lou taokete ko Alone, mo ona vosa, ti ke vaei kese latou mei fanau a Iselaele, o ke fakanofo latou ke gaoi kiate au i le gaoi fakapelepitelo : Ko Alone mo ona vosa ko Natape, mo Apiu, mo Eleasale, mo Itamale.

Ekesote 28:41

E ke tui loa a teu ana ki lou taokete ko Alone, ti mo ona vosa. E ke liligi loa le lolo tapu ki olatou ulu, ti e ke fakatapui loa latou, ti e ke vaei kese loa latou, ti e lotou nofo loa o gaoi kiate au i le gaoi fakapelepitelo.

Ekesote 28:43

E tui loa e Alone mo ona vosa a vavae loto ana, mo ka lotou ulu loa ki le falela, peka e lotou fakafeofi loa ki le aletale, o fai a gaoi i le sagatualio. Ti e leaise lotou sala loa, ti e leaise lotou mamate loa. Ko se lao lena ke tuu mau kia Alone mo lona sakoga i ona muli.

Selemia 30:21

E au loa lona pule mei lona manava, E ulu loa meiate ia leia e takitaki ia loa a ia. E kau fakafeofi mai loa a ia kiate au, ti e au loa a ia kiate au ; Talie ko ai e toa loa i le fakafeofi toka tasi mai kiate au ? E pati le Eteleno.

Selemia 49:19

Ko leinei, tatau mo se laione, e pale a ia mei laugutu matasoka o le Solotane Ki le nofoaga makeke ; Fokifa e kau kapu loa Etome mei ai, Kae kau fakanofo loa kiate ia leia na kau filifili. Talie ko ai e tatau mo au ? Ko ai e tuku ia loa ni fakatotonu kiate au ? Ti ko ai le pule e mafai ke tuu loa i oku mua ?

Selemia 50:44

Ko leinei, pe se laione, e pale mai a ia mei laugutu fia nealasi o le Solotane, Ki le nofoaga makeke. Fokifa e kau kapu loa latou, Ti e kau fakanofo loa iate ia leia na kau filifili. Talie ko ai e tatau mo au ? Ko ai e tuku ia kiate au ni fakatotonu ? Ti ko le pule fea leia e tuu mai loa kiate au ?

Esekiele 40:46

Ti ko le kogafale leia e agaaga ki le potu noleto, ko le kogafale a ia ki tagata faisakilifisio ala e tausi ki le aletale. I vosa fuli o Levi, e gato loa ki vosa o Satoke ala e feala loa ke ulu ki le sagatualio o fai le tausi.

Esekiele 43:19

E pati le Aliki, le Eteleno : E ke soli loa se pipi tagata muli ki tagata faisakilifisio, ki le kau levita, latou ala e kau i le sakoga o Satoke, talie ko latou fai ala na kau fakataga ke fai ia le tausi kiate au. Ti e lotou momoli loa se sakilifisio ki le fakamolemole o agasala.

Esekiele 45:4

E maokioki loa le koga kele lena o le fenua : ti e maua loa a ia e le kau faisakilifisio ala e fai ia le tausi o le fale tapu, ala e fakafeofi ki le Eteleno o tausi kiate ia ; e tuu loa olatou fale i le ganea lena, ti e liliu loa a ia ko le kele maokioki ki le sagatualio.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Levitiko 8:2

Ave Alone mo ona vosa ki le uluaga o le falela tapu ; ti toe ave foki ki ai a kofu tapu, mo le lolo tapu, mo le pipi tagata ki le agasala, mo ovi tagata e lua, ti mo le kete leia e tanaki ai a pane sala fakatupu ;

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.

Numelo 16:3

Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Numelo 16:6

Ke kotou fai loa le nea leinei, e koe Kole mo lau kakai katoa : Ke kotou too ni ipu tutuaga kaloni.

Numelo 17:5

Ko le tagata leia e kau filifili loa ko ia leia e se loa lana tokotoko, ti e kau fakagato loa i oku mua a lalau ala e fai e fanau a Iselaele kia koulua.

Numelo 17:8

I le apogipogi ake, i le temi leia na ulu ai loa Moisese ki le falela o le fakamaoki, ko leinei, kua se le tokotoko o Alone, ki le famili o Levi : kua tupu i ai ni muko, mo ni se, mo ni fuai amatie leleu.

Soane 15:16

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

Gaoi 1:2

o kaku ki le aso leia na ave ai a ia ki Selo, i le oki o le tuku o ana fakatotonu, i le Laumalie Maokioki, ki le kau apositolo ala na filifili e ia.

Gaoi 1:24

Ti na lotou fai loa le kole leinei : Aliki, ko koe leia e iloa ia a loto o tagata fuli, fakasa mai pe ko ai ia laua anei kua ke filifili,

Gaoi 13:2

I le lolotoga o lalatou tausi ki le Aliki i lalatou gaoi ki le folafola ti mo le sesunio, na pati loa le Laumalie Maokioki : Kotou vaei kese kiate au a Palenapa mo Saulo ki le gaoi leia kua kau kalagai laua ki ai.

Gaoi 15:7

Ti na fai loa se visi lasi, ti na tuu ake loa Petelo ki aluga, o pati kia latou : Tagata fetaina, kua kotou iloa talu mei fualoa kua fai e le Atua se filifili ia koutou, o tupu ke logo le kau pagani ki le folafola o le Evaselio mei loku gutu, ti ke lotou tui.

Gaoi 22:14

Ti na pati loa a ia : Kua filifili a koe e le Atua o tatou tamana ke iloa ia lona finegalo, mo tio ki le Tagata Faitotonu e Tasi, ti mo logo ki folafola mei lona gutu ;

Efeso 2:13

Kae i le temi nei, ia Sesu-Kilisito, ko koutou ala na mamao i mua, kua fakafeofi mai koutou e le toto o Kilisito.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 12:14

Ke kotou afa le tokamalie mo le kakai fuli, ti mo le maokioki, talie sala mo ia e leaise tio loa se tasi ki le Aliki.

Apokalipisi 1:6

ti na fakasoko ia tatou ko se puleaga, mo ni tagata fai sakilifisio ki le Atua lona Tamana, kiate ia le kololia mo le mafimafi, i sekulo mo sekulo ! Amene !

Uluaki tosi a Samuele 2:28

Na kau filifili a ia i faasiga fuli o Iselaele, ke tausi kiate au i le tuulaga fakapelepitelo, ke pale ki loku aletale, ke tutu ia le kaloni, ke tui ia le efote i oku mua ; ti na kau soli ki le fale o lou tamana a sakilifisio fuli kua tutu e le afi ti kua momoli e fanau a Iselaele.