Numelo 16:3 - Tosi Tapu

³ Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Numelo 16:3 Iomraidhean Croise

Esetalasi 9:2

O tupu kua lotou avaga mo ni taineliki o fenua ana, ti kua toe felaaki mo olatou vosa, ti kua lotou filo le lanu tapu mo le kakai o fenua pagani anei ; ti ko le kau pule mo le kau tui fakamaau, ala na uluaki fai ia le agasala lena.

Pesalemo 106:16

Na lotou finenonofo loa kia Moisese i lolatou nofolaga, Ti mo Alone, le tagata fakasausau maokioki a le Eteleno.

Pesalemo 68:17

Kolea, ei mauga e tumutumu mauke, E kotou finenonofo ai Ki le mauga leia na filifili e le Atua ke nofo ai ? Io, e fai loa e le Eteleno i ai lona nofoaga o lee gato.

Ekesote 19:6

e kotou liliu loa kiate au ko se puleaga o tagata faisakilifisio, ko se puleaga maokioki ke tausi kiate au. Ke ke fakasa a masau ana ki fanau a Iselaele.

Numelo 14:14

ti e lotou fakamatala loa a ia ki le kakai o le fenua leinei. Talie kua lotou iloa ko koe, ko le Eteleno, e ke nofo mo lou kakai ; ti e ke sa mata kiate ia, a koe, ko le Eteleno ; ti e tuu lou ao iate ia ; ti e ke saele i ona mua i le ao i se pou afu, mo le pouli i se pou afi.

Numelo 16:11

Talie ko le tupuaga lena o lau fakafesagai mo lou kakai ki le Eteleno ! Talie ko ai Alone ke kotou lauveli ai kiate ia ?

Numelo 16:41

I le apogipogi ake fai, na lalau loa le fakatasi katoa o Iselaele kia Moisese mo Alone, o pati : Ko koulua ala na tamate ia le kakai o le Eteleno.

Numelo 16:7

I apogipogi, ke kotou tuku ki ai se afi, ti ke kotou liligi ki aluga se kaloni i mua o le Eteleno ; ti ko le tagata leia e filifili loa e le Eteleno, ko ia leia e maokioki loa. Kua feauga le loto lasi, ei fanau a Levi !

Numelo 23:21

E leaise tio fua a ia ki se agasala ia Sakopo, E leaise tio fua a ia ki se agatuu ia Iselaele. E nofo le Eteleno, lolatou Atua, mo ia, Ko ia ko lona sau, ko le tupuaga o lona fiafia.

Numelo 35:34

E leaise kotou fakakelekele loa le fenua leia ka kotou nonofo ai loa, ti e kau toe nofo ai loa i loto malie o koutou. Talie ko au ko le Eteleno, e kau nofo i loto malie o fanau a Iselaele.

Numelo 5:3

Tagata pe fafine, ke kotou fakamavae latou mei le nofolaga, o tupu ke aua na lotou fakakelekele ia le nofolaga leia e tuu ai loku nofoaga i loto malie.

Gaoi 7:39

Na leaise fia fakalogo loa o tatou tamana kiate ia, kae na lotou tekei loa a ia, ti na lotou fakamaliu loa olatou loto ki Esipito,

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.