Numelo 16:14 - Tosi Tapu

¹⁴ Ti e leaise ko se fenua leia e tafe ai le sua manu mo le sua meli na ke taki matou ki ai, ti e leaise ko ni faisaga magiti mo ni faisaga vite ala na ke soli mai kia matou. Pe ke masalo e kivi a mata o le kakai leinei ? E leaise ma pale atu loa !

Numelo 16:14 Iomraidhean Croise

Ekesote 22:5

Kapau e fai e se tagata se maumau i se faisaga, pe ko se vite a se tasi ake tagata, pe tuku e ia lana manu ke kai i le faisaga a se tasi ake tagata, e soli loa e ia a fua malilie o lana faisaga pe ko lana vite ke totogi ai le maumau.

Ekesote 23:10

Lolotoga fetuu e ono, e ke to loa le kele, ti e ke tanaki loa ona fua.

Ekesote 23:11

Kae i le fitu o fetuu, e leaise ke toe to loa a ia ; e ke tuku loa ke malolo le kele. E kai loa ona fua e le kau mativa o lou kakai, ti e tuku loa le toe ki manu o le vao. E ke toe fai fenaaki loa ki le vite mo le olive.

Ekesote 3:17

ti kua kau pati : E kau fakamavae loa koutou mei Esipito, mei le ganea leia e kotou mamae ai, ti e kau ave loa koutou ki le fenua o le kau Kanaane, mo le kau Eti, mo le kau Amole, mo le kau Felesi, mo le kau Evi, mo le kau Sepusi, ki se fenua leia e tafe ai le sua manu mo le meli.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Levitiko 20:24

Kua kau pati atu kia koutou : ko koutou ala e maua ia loa lolatou fenua ; e kau soli loa a ia kia koutou ke kotou pule ki ai : ko se fenua a ia leia e tafe ai le sua manu mo le sua meli. Ko au ko le Eteleno, ko lokoutou Atua, leia kua filifili ia koutou i atu puleaga.

Numelo 13:27

Ko leinei le nea leia na lotou fakamatala loa kia Moisese : Na motou ano ki le fenua leia na ke kakau matou ki ai. E maoki ai ko se fenua a ia e apele i le sua manu mo le sua meli, ti ko nei ona fuai laakau.

Numelo 14:8

Kapau e loto malie le Eteleno kia tatou, ti e fakaulu loa e ia tatou ki le fenua leinei, ti e soli mai loa e ia le fenua leinei kia tatou : Ko se fenua a ia e sali ai le sua manu mo le sua meli.

Numelo 20:5

Kolea na kolua fakapale mai ai matou mei Esipito, ke motou au ki le ganea veli leinei ? E leaise ko se fenua leinei e feala ke to ai ni magiti ; e leaise maua fua se ga tafito fiki, pe ko se ga tafito vite, pe ko se ga tafito kelenati, ti e leaise maua fua se ga vai ke inu.

Tuifakamaau 16:21

Na too loa a ia e le kau Filisitini, ti na lotou kape loa ona mata ; na lotou ave loa a ia ki Kasa, ti na lotou saisai loa a ia ki ni tini kapa. Na mio loa e ia le masini mio fulumeto i le fale pilisoni.

Uluaki tosi a Samuele 11:2

Kae na tali loa Nakase, le tagata Amone, kia latou : E kau fai loa se sai mo koutou mo kapau e kau kapei okoutou fa mata atamai fuli, ti ke kau tuku loa a ia ke fakalumai ai le kakai katoa o Iselaele.