Numelo 16:13 - Tosi Tapu

¹³ Pe leaise feauga kiate koe, Moisese, ke ke fakamavae matou i se fenua leia na tafe ai le sua manu mo le sua meli ke motou mamate i le toafa leinei, kae ko leinei e leaise gato lau pulei matou ?

Numelo 16:13 Iomraidhean Croise

Ekesote 1:11

Ti na fakanofo loa ni pule gaoi, o tupu ke lotou fakamamae latou ki ni kavega mamafa. Koia na fakatuu ai loa a kolo o Pitomi mo Lamisese, ke tanaki ai a koloa o Falaone.

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Ekesote 16:3

Na pati loa fanau a Iselaele kia laua : Kolea na leaise tamate ai matou e le lima o le Eteleno i le fenua o Esipito, i le temi leia na motou tonatona ai i tafa o kulo inati, i le temi leia na motou kai ai se pane o makona ? Kae na kolua taki mai matou ki le toafa leinei ke motou mamate fuli ai i le pakupaku.

Ekesote 17:3

Na veli ai le fia inu o le kakai, ti na lotou lalau loa kia Moisese, o pati : Kolea na ke fakamavae ai matou i Esipito, ke motou mamate ai i le fia inu, matou mo amatou fanau ti mo amatou kau manu ?

Ekesote 2:14

Ti na tali loa le tagata lena : Ko ai na fakanofo ia a koe ke pule mo tui fakamaau kia maua ? Pe ke loto foki ke ke toe tamate au ofaipe lau tamate le tagata Esipito ? Ti na i loa Moisese, o pati : E matala nei kua iloa le nea leinei !

Ekesote 2:23

Na sili loa ki ai se temi fualoa ai, ti na mate loa le sau o Esipito. Na fetagisi fanau a Iselaele i le mamafa o le popula, ti na lotou kalaga ki le Atua. Na kaku loa ki le Atua alatou tagi i le lasi o lolatou mamae.

Esekiele 34:18

Kolea e leaise fia kai ai a iki o koutou i le faisaga malie tukupau ? Kolea e lotou takatakafi fakaveliveli ai le mutie leia e toe ? Pe leaise feauga kia koutou le maua o se vai mea ke inu ? Kolea e kotou fakafufu ai ki okoutou vae le nea leia na leaise kotou inu ?

Numelo 11:20

kae i se masina katoa, o kaku ki lana sali mei okoutou pogoisu, ti ke kotou fakalialia loa ki ai, talie na kotou tiaki le Eteleno leia e nofo i loto malie o koutou, talie na kotou tagi i ona mua, o pati : Kolea na tou mavae ai mei Esipito ?

Numelo 11:4

Na vilo loa ki le oli fakatino le kakai kese leia na fanoga i loto malie o fanau a Iselaele. Ti na toe kamata lalau foki fanau a Iselaele, o pati : Ko ai leia e soli ia mai loa kia tatou se kanoi manu ke kai ?

Numelo 11:5

E tou manamanatu ki ika ala na tou kai noa i Esipito, mo kokope, mo melo, mo pualo, mo aniani, ti mo lai.

Numelo 13:27

Ko leinei le nea leia na lotou fakamatala loa kia Moisese : Na motou ano ki le fenua leia na ke kakau matou ki ai. E maoki ai ko se fenua a ia e apele i le sua manu mo le sua meli, ti ko nei ona fuai laakau.

Numelo 14:2

Na lalau loa fanau fuli o Iselaele kia Moisese mo Alone, o pati : Felaaki ake na motou mate i le fenua o Esipito ! Felaaki ake foki na motou mate i le toafa !

Numelo 14:3

Kolea kua ave ai matou e le Eteleno ki le fenua leinei, ke motou mamate ai i le tau, ti ke ave loa omatou avaga mo omatou fanau o fakapopulai ! Pe leaise malie ake kia matou ke motou toe liliu ki Esipito ?

Numelo 16:12

Na kakau loa e Moisese se tasi ke ano o afa ake Tatane mo Apilame, vosa o Eliape, kae na la tali loa : E leaise ma pale loa !

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Gaoi 7:35

Ko le Moisese lena, leia na lotou fakafiti ki ai, o pati : Ko ai leia na fakanofo ia a koe ko le pule mo le tui fakamaau ? Ko ia leia na kakau e le Atua ko le pule ti mo le fakamauli i le tokoi a le aselo leia na sa kiate ia i le ulu vao.