Numelo 16:11 - Tosi Tapu

¹¹ Talie ko le tupuaga lena o lau fakafesagai mo lou kakai ki le Eteleno ! Talie ko ai Alone ke kotou lauveli ai kiate ia ?

Numelo 16:11 Iomraidhean Croise

Uluaki tosi o Koloniko 26:19

Ko le fakavaevae lena o tagata tuu matapa, i vosa o Kole mo vosa o Melali.

Pesalemo 106:16

Na lotou finenonofo loa kia Moisese i lolatou nofolaga, Ti mo Alone, le tagata fakasausau maokioki a le Eteleno.

Ekesote 17:2

Ti na fakatupu fefele loa le kakai kia Moisese. Na lotou pati loa : Soli mai se vai ke inu. Na tali loa Moisese kia latou : Kolea e kotou fakatupu fefele ai kiate au ? Kolea e kotou asiasii ai le Eteleno ?

Numelo 11:1

Na lalau loa le kakai ki taliga o le Eteleno, ti na veli loa le nea lena kiate ia. I le logo a le Eteleno ki le nea lena, na mu loa lona sausau ; ti na vela loa le afi o le Eteleno ia latou, o tamate le potupotu o le nofolaga.

Numelo 16:12

Na kakau loa e Moisese se tasi ke ano o afa ake Tatane mo Apilame, vosa o Eliape, kae na la tali loa : E leaise ma pale loa !

Numelo 16:3

Na lotou fakatasi loa o fakatutuu kia Moisese mo Alone, ti na lotou pati loa kia laua : Kua lasi ai lakoulua fia pule kia matou ! talie e maokioki le fakatasi katoa, e motou maokioki fuli, ti e nofo le Eteleno i loto malie o lona kakai, ti e nofo le Eteleno i loto malie o latou. Kolea e kolua malaga ai i aluga o le fakatasi a le Eteleno ?

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Soane 13:20

E maoki, e maoki, e kau pati atu kia koutou, ko leia e tali ia leia e kau kakau ia loa, e tali e ia au ; ti ko leia e tali ia au, e tali e ia leia na kakau ia mai au.

Gaoi 5:4

Kanapau na leaise ke fakatau a ia, koi ke nofo fai mo lou kele ? Ti i le oki o lona fakatau, pe na leaise ke faitalisa ki lona totogi ? Kolea kua ke mafai ai ke ke tuku ki lou loto se fakatuutuu fenaaki ? Na leaise ke loi ki ni tagata, kae ki le Atua.

Loma 13:2

Ko leia e agatuu ki le pule, e agatuu ki le fakatuutuu a le Atua, ti ko latou ala e agatuu, e aumai ia loa kia latou le tautea.

Uluaki tosi ki le kau Kolinto 10:10

Aua na kotou lauga, ofaipe le fai a ni iki o latou, ala na tamate loa e le aselo o le malaia.

Uluaki tosi ki le kau Kolinto 3:5

Ko ai Apolosio, ti ko ai Paulo ? Ko ni tagata fakasausau fai laua, ala na kotou tui ai, o mulimuli ki le nea leia na soli e le Aliki kia laua taki toka tasi.

Suta 1:16

Ko ni kakai gugu latou mo lauga, ala e leaise fiafia fua i se nea, ala e saele o fakalogo ki olatou oli fakavale, ala e maua ia i olatou gutu ni masau fia nealasi, ala e vikiviki ki tagata o tupu ke lotou maua ai se nea.

Uluaki tosi a Samuele 8:7

Na pati loa le Eteleno kia Samuele : Fakalogo ki le leo o le kakai i nea fuli ala e pati atu loa a ia ki ai ; talie e leaise ko koe leia e lotou tiaki, ko au leia e lotou tiaki, o tupu ke aua na kau toe pule kia latou.