Numelo 14:3 - Tosi Tapu

³ Kolea kua ave ai matou e le Eteleno ki le fenua leinei, ke motou mamate ai i le tau, ti ke ave loa omatou avaga mo omatou fanau o fakapopulai ! Pe leaise malie ake kia matou ke motou toe liliu ki Esipito ?

Numelo 14:3 Iomraidhean Croise

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Pesalemo 78:40

Na tua fia lalatou agatuu kiate ia i le toafa ! Na tua fia lalatou fakatupu ia lona sausau i le potu lavaki !

Ekesote 16:3

Na pati loa fanau a Iselaele kia laua : Kolea na leaise tamate ai matou e le lima o le Eteleno i le fenua o Esipito, i le temi leia na motou tonatona ai i tafa o kulo inati, i le temi leia na motou kai ai se pane o makona ? Kae na kolua taki mai matou ki le toafa leinei ke motou mamate fuli ai i le pakupaku.

Ekesote 5:21

Na lotou pati loa kia laua : Ke tio mai le Eteleno kia koulua, ti ke fakamaaui e ia ! Kua kolua fakaliliu matou o fakalialia ki mata o Falaone mo ana tagata fakasausau, ti kua kolua teki se seleta ki olatou lima ke tamate ai matou.

Selemia 42:14

Ti kapau e kotou pati loa : E leaise motou nonofo loa i le fenua leinei, kae motou ano loa ki le fenua o Esipito, leia e leaise motou tio ai loa ki se tau, leia e leaise motou logo ai loa ki le pupusi o le fakatagi pupusi, leia e motou maua tuumau ai loa le pane, ti ko le ganea lena e motou nonofo ai loa,

Selemia 42:19

Toetoega o Suta, e pati atu le Eteleno kia koutou : Aua na kotou ano ki Esipito ! Ke kotou iloa e kau tapui kia koutou le nea lena i le aso nei.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Numelo 11:20

kae i se masina katoa, o kaku ki lana sali mei okoutou pogoisu, ti ke kotou fakalialia loa ki ai, talie na kotou tiaki le Eteleno leia e nofo i loto malie o koutou, talie na kotou tagi i ona mua, o pati : Kolea na tou mavae ai mei Esipito ?

Numelo 16:13

Pe leaise feauga kiate koe, Moisese, ke ke fakamavae matou i se fenua leia na tafe ai le sua manu mo le sua meli ke motou mamate i le toafa leinei, kae ko leinei e leaise gato lau pulei matou ?

Numelo 20:3

Na lalau loa le kakai kia Moisese. Na lotou pati loa : Kolea na leaise motou mamate ai i le temi leia na mamate ai omatou fetaina i mua o le Eteleno ?

Numelo 21:5

ti na lalau loa a ia ki le Atua mo Moisese, o pati : Kolea na kolua fakamavae ai matou mei Esipito, ke motou mamate i le toafa ? talie e leai se pane ti e leai se vai, ti kua motou fakalialia ki le pane veli leinei.

Gaoi 7:39

Na leaise fia fakalogo loa o tatou tamana kiate ia, kae na lotou tekei loa a ia, ti na lotou fakamaliu loa olatou loto ki Esipito,

Tetelonome 1:39

Ti ko okoutou fanau liliki, ala na kotou pati ki ai : E lotou liliu loa ko le koloa o le fili malo ! Io, ko okoutou vosa, ala na leaise iloa ia le nea leia e malie mo le nea leia e veli i le aso lena, ko latou loa ala e ulu loa ki le fenua mo Sosue.