Numelo 14:16 - Tosi Tapu

¹⁶ Na leaise mafai loa e le Eteleno ke ave e ia le kakai leinei ki le fenua leia na fakapapau e ia ke soli kiate ia : koia leia kua tamate ai e ia a ia i le toafa.

Numelo 14:16 Iomraidhean Croise

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Numelo 14:17

Koia e kau kole atu ai kiate koe, Eteleno, ke ke fakasa le lasi o lou mafimafi, o mulimuli ki le nea leia na ke fakasa kia matou :

Tetelonome 9:28

E leaise tonu ke pati loa le kakai o le fenua leia na ke fakamavae matou mei ai : E tupu kua leaise mafai e le Eteleno le fakaulu o le kakai lena ki le fenua leia na fakapapau e ia ke soli kia latou, ti e tupu na vesia le Eteleno kia latou, o fakamavae e ia latou ke maumaui latou i le toafa.

Sosue 7:7

Na pati loa Sosue : Aliki Eteleno, kolea na ke tuku ai le kakai leinei ke fakalaka i le Solotane ke tuku matou ki lima o le kau Amole ke lotou tamate matou ? Na malie ake ke motou nofo i leia fetuu o le Solotane !

Sosue 7:9

E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?