Numelo 14:10 - Tosi Tapu

¹⁰ Na masau loa le kakai katoa ke tuki fatui laua ke mate, kae fokifa kua sa le kololia o le Eteleno i aluga o le falela tapu, i mua o fanau fuli o Iselaele.

Numelo 14:10 Iomraidhean Croise

Ekesote 16:10

Na koi lolotoga masau Alone ki le fakatasi katoa o fanau a Iselaele, kae na lotou tagaki loa ki le fetuu o le toafa, ti ko leinei, na sa loa le kololia o le Eteleno i le ao.

Ekesote 16:7

I le usu, e kotou tio loa ki le kololia o le Eteleno, talie kua logo a ia ki akoutou gugu ki le Eteleno ; ti ko ai maua, ke kotou gugu ai kia maua ?

Ekesote 17:4

Na tagi loa Moisese ki le Eteleno, o pati : Kolea e kau fai loa ki le kakai leinei ? Koi toe fua le ganea ikiiki, ti lotou tuki fatui loa au.

Ekesote 40:34

Ti na uufi loa e le ao le falela tapu, ti na fakaapele loa e le kololia o le Eteleno le tapenakulo.

Levitiko 9:23

Ti na ulu loa Moisese mo Alone ki le falela tapu. I lala mavae loa mei ai, na la tapuaki loa ki le kakai. Ti na sa loa le kololia o le Eteleno ki le kakai katoa.

Numelo 16:19

Ti na fakatasii ake loa e Kole le fakatasi katoa kia Moisese mo Alone, i le uluaga o le falela tapu. Ti na sa loa le kololia o le Eteleno ki le fakatasi katoa.

Numelo 16:42

Na lolotoga tanaki ake loa le fakatasi katoa kia Moisese mo Alone, ti na lotou maliu loa o agaaga ki le fetuu o le falela tapu, ti na lotou tio loa kua kofu katoa a ia e le ao, ti na sa loa le kololia o le Eteleno.

Numelo 17:7

Na tuku loa e Moisese a tokotoko ki mua o le Eteleno, i le falela tapu o le fakamaoki.

Numelo 20:6

Na fakamamao loa Moisese mo Alone mei le kakai, o ano ki le uluaga o le falela tapu. Ti na la fakapulou loa ola mata ki le kele ; ti na sa loa le kololia o le Eteleno kia latou.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Gaoi 7:59

Ti na lotou tuki fatui loa Setefano, leia na faikole, o pati : Aliki Sesu, tali loku laumalie !

Uluaki tosi a Samuele 30:6

Na mamae lasi ai Tavite, talie na masau le kakai ke tuki fatui a ia, talie na kona lasi ai loto o le kakai, o tupu ko olatou vosa mo olatou taineliki taki tasi. Kae na toe loto makeke Tavite i lana fanaki ki le Eteleno, lona Atua.