Numelo 13:3 - Tosi Tapu

³ Na kakau loa latou e Moisese mei le toafa o Palani, o mulimuli ki le fakatotonu a le Eteleno : ko tagata fuli ana ko ni pule o fanau a Iselaele.

Numelo 13:3 Iomraidhean Croise

Numelo 10:12

Ti na mavae loa fanau a Iselaele i le toafa o Sinai, o mulimuli ki le fakatotonu leia kua fakatuutuu e le Eteleno ki lalatou fanoga. Na tuu loa le ao i le toafa o Palani.

Numelo 12:16

I le oki o le nea lena, na mavae loa le kakai i Aseloti, o nofo i le toafa o Palani.

Numelo 13:2

Kakau loa ni tagata ke ano o tioi le fenua ko Kanaane leia e kau soli ki fanau a Iselaele. Kotou filifili loa se fa tagata i faasiga taki tasi o olatou tamana ; ko latou ko ni pule fuli loa.

Numelo 13:26

I lalatou kaku ake, na lotou ano loa kia Moisese, mo Alone, mo le kakai katoa o Iselaele, i Katesi i le toafa o Palani. Ti na lotou fakamatala loa kia latou a nea fuli ala na lotou tio ki ai, ti na lotou fakatio loa latou ki fua o le fenua.

Numelo 13:4

Ko nei olatou igoa : Ki le faasiga o Lupeni : ko Samua, vosa o Sakule.

Numelo 32:8

Na fai foki le nea lena e okoutou tamana i le aso leia na kakau ai latou e Moisese mei Katesi-Palenea ke ano o tioi le fenua.

Numelo 34:17

Ko nei igoa o tagata ala e fai ia loa le vae o le fenua kia koutou : ko le tagata faisakilifisio ko Eleasale mo Sosue, vosa o Nune.

Tetelonome 1:19

Na tou mavae loa i Olepe, ti na tou foli katoa loa i le toafa lasi mo fakaii leinei kua kotou iloa ; na tou too loa le ala leia e ano ki le mauga o le kau Amole, o mulimuli ki le fakatotonu a le Eteleno, ti na tou kaku loa ki Katesi-Palenea.

Tetelonome 1:23

Na malie loa le manatu lena kiate au, ti na kau too loa ni tagata e tino agafulu tupu lua ia koutou, ko se fa tagata i le faasiga.

Tetelonome 9:23

Ti ko le aso leia na kakau ai koutou e le Eteleno ki Katesi-Palenea, o pati kia koutou : ke kotou pale ti ke kotou maua tofiga le fenua leia e kau soli kia koutou, na kotou agatuu loa ki le fakatotonu a le Eteleno, lokoutou Atua, ti na leaise kotou tui loa kiate ia, ti na leaise kotou fakalogo loa ki lona leo.

Uluaki tosi a Samuele 25:1

Na mate loa Samuele. Na fakatasi loa Iselaele katoa, o tagi kiate ia, ti na lotou tanu loa a ia i lona fale i Lama. Ti na tuu ake loa Tavite, o ifo ki le toafa o Palani.