Numelo 12:11 - Tosi Tapu

¹¹ Ti na pati loa Alone kia Moisese : Alofa mai, ei loku aliki, aua na ke fakaamo kia maua le tua o le agasala leia na ma fai pe ni nea valelea, o tupu ai lama agasala !

Numelo 12:11 Iomraidhean Croise

Lua tosi a Samuele 19:19

Ti na pati loa a ia ki le sau : Ke aua na taofi e le sau laku agaveli, ke galoi e ia lona lauvelii e lau tagata fakasausau i le aso leia na mavae ai le sau loku Aliki i Selusalemi, ti ke aua na tokagai e le sau le nea lena !

Lua tosi a Samuele 24:10

Na logoi loa e Tavite le ta o lona mafu i le oki o le lau o le kakai. Ti na pati loa a ia ki le Eteleno : Kua kau fai se agasala lasi i le nea leinei kua fai ! Ti ko leinei, ei Eteleno, ke ke alofa o fakamolemole le agasala a lau tagata fakasausau, talie kua kau fai se nea fakavale !

Uluaki tosi o Sau 13:6

Koia na masau loa le sau, o pati ki le tagata a le Atua : Kole ki le Eteleno, lou Atua, ti ke ulufaki au, o tupu ke mafai ke toe peluki loku lima. Na kole loa e le tagata a le Atua ki le Eteleno, ti na mafai loa e le sau ke toe peluki lona lima, leia na toe liliu loa ofaipe le masani.

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Ekesote 12:32

Kotou too akoutou ovi mo akoutou pipi, o mulimuli ki le nea leia na kolua pati ki ai ; kotou ano, ti kotou tapuaki mai kiate au.

Taagapati 30:32

Kapau kua taki a koe e le fia nealasi o fai ni nea fakavale, Ti kapau e ke maua ia ni manatu veveli, teki lou lima ki lou gutu :

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Numelo 11:2

Na tagi loa le kakai kia Moisese. Ti na faikole loa Moisese ki le Eteleno, ti na mate loa le afi.

Numelo 12:12

Aua na liliu loa Miliamu ofaipe le toe leia kua mate fanau ti kua kamata pala !

Gaoi 8:24

Na tali loa Simone : Kolua ulufaki au e koulua totonu ki le Aliki, ke aua na soko mai kiate au se nea i nea ala kua kolua masau ki ai.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.

Uluaki tosi a Samuele 12:19

Ti na pati loa le kakai katoa kia Samuele : Faikole ki le Eteleno, lou Atua, o uiga mo au tagata fakasausau, ke aua na motou mamate ; talie na motou toe fakalasi amatou agasala, o kole se sau kia matou.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.