Numelo 11:2 - Tosi Tapu

² Na tagi loa le kakai kia Moisese. Ti na faikole loa Moisese ki le Eteleno, ti na mate loa le afi.

Numelo 11:2 Iomraidhean Croise

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Ekesote 10:18

Na mavae loa Moisese i le fale o Falaone, ti na faikole loa a ia ki le Eteleno.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 37:4

Na lagi kua logo le Eteleno, lou Atua, ki masau a Lapesake, leia na kakau mai e le sau o Asilia, lona pule, ke au o tauvelei le Atua mauli, ti e lagi fakasoko loa e le Eteleno, lou Atua ana tautea o tupu ko masau ala na logo a ia ki ai. Koia ke ke faikole o uiga mo le toetoega leia koi mauli.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 37:3

Na kakau loa e le sau ko Setesiasi a Sukale, vosa o Selemia, mo Sofoni, vosa o Maasesa, le tagata faisakilifisio, ke ano o pati kia Selemia, le polofeta : Ulufaki matou ki le Eteleno, lotatou Atua.

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Numelo 12:11

Ti na pati loa Alone kia Moisese : Alofa mai, ei loku aliki, aua na ke fakaamo kia maua le tua o le agasala leia na ma fai pe ni nea valelea, o tupu ai lama agasala !

Numelo 12:13

Ti na tagi loa Moisese ki le Eteleno, o pati : Ei Atua, e kau kole atu kiate koe, fakamauli a ia !

Numelo 21:7

Na ano loa le kakai kia Moisese, o pati : Kua motou agasala, talie na motou masau veli ki le Eteleno mo koe. Kole ki le Eteleno, ke fakamamao ia matou a gata anei. Ti na kole loa e Moisese o uiga mo le kakai.

Gaoi 8:24

Na tali loa Simone : Kolua ulufaki au e koulua totonu ki le Aliki, ke aua na soko mai kiate au se nea i nea ala kua kolua masau ki ai.

Epelo 7:26

Koia na aoga ai kia tatou ke tou maua se pule fai sakilifisio o tatau mo ia, maokioki, mo mea, mo lee mele, mo mavae kese mei le kau agasala, ti mo taualuga ake i le atu lagi,

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Uluaki tosi a Soane 5:16

Kapau e tio se tasi ki le fai e lona taina se agasala leia e leaise ave ia ki le mate, ke faikole a ia, ti e soli loa e le Atua le mauli ki le taina lena ; e soli loa e ia le mauli kia latou ala e fai ia se agasala leia e leaise ave ia ki le mate. Kae e i ai se agasala leia e ave ia ki le mate, ti e leaise kau pati atu ke faikole ki le agasala lena.