Numelo 11:1 - Tosi Tapu

¹ Na lalau loa le kakai ki taliga o le Eteleno, ti na veli loa le nea lena kiate ia. I le logo a le Eteleno ki le nea lena, na mu loa lona sausau ; ti na vela loa le afi o le Eteleno ia latou, o tamate le potupotu o le nofolaga.

Numelo 11:1 Iomraidhean Croise

Senesi 38:10

Na veli ai le nea lena ki mata o le Eteleno, leia na toe fakamate ia loa a ia.

Lua tosi a Samuele 11:27

I le oki o le putu, na kakau loa e Tavite ke afa mai a ia, ti na fakaulu loa e ia a ia ki lona fale. Na liliu loa Pate-Sepa ko lana avaga, ti na fanaui loa e ia kia Tavite se tama. Kae na veli ai ki le Eteleno le nea leia na fai e Tavite.

Lua tosi o Sau 1:12

Na tali loa Elia kia latou : Kapau ko se tagata au a le Atua, ti ke vilo le afi mei lagi o tutu a koe mo lau kau tagata e tino lima ! Ti na ifo loa le afi a le Atua mei lagi o tutu a ia mo lana kau tagata e tino lima.

Sopo 1:16

Koi lolotoga masau a ia, kae kaku mai se tasi ake tagata avelogo, o pati : Kua vilo le afi a le Atua mei lagi, o tutu a ovi mo tagata tausi ovi, o mamate fuli. Ti na kau sao, au toka tasi, o aumai le logo kiate koe.

Pesalemo 106:18

Na tutu loa e le afi lola kakai, Na tamate loa e le ula le kau agasala.

Pesalemo 78:21

Na logo loa le Eteleno, ti na ita loa a ia ; Na mu loa se afi kia Sakopo, Ti na malaga loa se ita ki Iselaele,

Pesalemo 78:63

Na kai loa e le afi ona tagata muli, Ti na leaise avaga loa ona taupoou.

Ekesote 16:7

I le usu, e kotou tio loa ki le kololia o le Eteleno, talie kua logo a ia ki akoutou gugu ki le Eteleno ; ti ko ai maua, ke kotou gugu ai kia maua ?

Ekesote 16:9

Na pati loa Moisese kia Alone : Pati ki le fakatasiga katoa o fanau a Iselaele : Kotou fakafeofi mai ki mua o le Eteleno, talie kua logo a ia ki akoutou gugu.

Esaia 10:17

E liliu loa le malama o Iselaele ko se afi, Ti ko lona Sagato ko se ula, Leia e tutu ia loa o okioki ona uluvao gaoa mo talatala I le aso fai e tasi ;

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Tagi laulau a Selemia 3:39

Kolea e lauga ai le tagata mauli ? Ke tasi lauga le tagata ki ana agasala totonu.

Esekiele 20:36

Ofaipe laku fakatuaa okoutou tamana i le toafa o le fenua o Esipito, e kau fakatuaa loa koutou, e folafola, le Aliki, le Eteleno.

Levitiko 10:2

Ti na mavae loa se afi mei mua o le Eteleno, o tutu laua : ti na la mamate loa i mua o le Eteleno.

Naume 1:5

E galulu a mauga i ona mua, Ti e liliu o vai a mauga liliki ; E tuu ki aluga le malama nei i ona mua, Le malama nei katoa mo latou fuli e nonofo i ai.

Apakuki 3:5

I ona mua e saele ai le taumasaki, Ti e muli iate ia le taumasaki.

Numelo 10:33

Na lotou mavae loa mei le mauga o le Eteleno, ti na lotou saele loa i aso e tolu : na muamua loa ia latou le aleka o le fakamaoki o le Eteleno, ti na fai loa e ia se saele i aso e tolu, o afa se ganea malolo kia latou.

Numelo 11:18

E ke pati loa ki le kakai : Kotou fakamea ki apogipogi, ti e kotou kai loa se kanoi manu, talie kua kotou tagi ki taliga o le Eteleno, o pati : Ko ai leia e fagai ia loa matou ki se kanoi manu ? Talie na motou mauli malie i Esipito. E soli atu loa e le Eteleno se kanoi manu kia koutou, ti e kotou kai loa a ia.

Numelo 12:2

Na la pati loa : Pe gato fua ia Moisese e masau ai le Eteleno ? Pe leaise masau foki a ia ia taua ?

Numelo 14:2

Na lalau loa fanau fuli o Iselaele kia Moisese mo Alone, o pati : Felaaki ake na motou mate i le fenua o Esipito ! Felaaki ake foki na motou mate i le toafa !

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Numelo 14:27

E kaku loa kiafea laku tuku le kakai agaveli leinei ke lalau kiate au ? Kua kau logo ki lalau o vosa o Iselaele ala na fai kiate au.

Numelo 14:28

Pati kia latou : E kau mauli ! e pati le Eteleno, e kau fai loa o mulimuli ki akoutou masau ala na logo ki ai oku taliga.

Numelo 16:11

Talie ko le tupuaga lena o lau fakafesagai mo lou kakai ki le Eteleno ! Talie ko ai Alone ke kotou lauveli ai kiate ia ?

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Numelo 17:5

Ko le tagata leia e kau filifili loa ko ia leia e se loa lana tokotoko, ti e kau fakagato loa i oku mua a lalau ala e fai e fanau a Iselaele kia koulua.

Numelo 21:5

ti na lalau loa a ia ki le Atua mo Moisese, o pati : Kolea na kolua fakamavae ai matou mei Esipito, ke motou mamate i le toafa ? talie e leai se pane ti e leai se vai, ti kua motou fakalialia ki le pane veli leinei.

Uluaki tosi ki le kau Kolinto 10:10

Aua na kotou lauga, ofaipe le fai a ni iki o latou, ala na tamate loa e le aselo o le malaia.

Tetelonome 25:18

Na leaise maua fua e ia se i ki le Atua, koia na lamalama ai loa e ia a koe i le ala, o osoi a koe mei muli, kia latou fuli ala na saele tuvai i muli, i le temi leia na ke kaekae ai ti na ke gaegae ai.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.

Tetelonome 9:22

I Tapela, mo Masa, mo Kipiloti-Ataava, na kotou fakatupu loa le sausau o le Eteleno.

Epelo 12:29

talie ko lotatou Atua ko se afi maumau foki a ia.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.

Suta 1:16

Ko ni kakai gugu latou mo lauga, ala e leaise fiafia fua i se nea, ala e saele o fakalogo ki olatou oli fakavale, ala e maua ia i olatou gutu ni masau fia nealasi, ala e vikiviki ki tagata o tupu ke lotou maua ai se nea.