Numelo 10:9 - Tosi Tapu

⁹ I lokoutou fenua, ka kotou ano loa o tau ki le fili leia na osoi ia koutou, e kotou pupusi fakamakeke loa a fakatagi pupusi, ti e manatui loa koutou e le Eteleno, ko lokoutou Atua, ti e saofaki loa e ia koutou mei okoutou fili.

Numelo 10:9 Iomraidhean Croise

Senesi 8:1

Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Lua tosi o Koloniko 13:12

Ko leinei, e nofo le Atua mo ana tagata faisakilifisio mo matou, e lotou takitaki matou, ti e motou maua a fakatagi pupusi ke pupusi o fakafesagai kia koutou. Fanau o Iselaele, aua na kotou tau ki le Eteleno, le Atua o okoutou tamana, talie e leaise kotou malo loa.

Lua tosi o Koloniko 13:14

Na tio loa Suta kua tonu ke tau i mua mo muli. Ti na lotou kalaga loa ki le Eteleno, ti na pupusi loa e le kau tagata faisakilifisio a fakatagi pupusi.

Pesalemo 106:4

Eteleno, manatui au i lou alofa ki lou kakai ! Manatui au i lau tuku kiate ia lou tokoi,

Pesalemo 106:42

Na fakaveliveli loa latou e olatou fili, Ti na lotou luma loa i le fakataulalo kia latou.

Pesalemo 136:23

Ko ia leia na manatu loa kia tatou i le temi na tou mamae ai, Talie e lee gato lona manava alofa !

Esaia 18:3

Koutou fuli, kakai o le malama nei, kakai o le kele, Kotou tio ki le manumanu leia kua tuu i aluga o mauga, Kotou fakalogo ki le fakatagi pupusi leia kua tagi !

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 4:21

E kaku loa kiafea laku tio ki le manumanu tau, Ti mo laku logo ki le leo o le fakatagi pupusi ?

Selemia 4:5

Kotou fakasa i Suta, kotou kalaga i Selusalemi, Ti kotou pati : Kotou pupusi le fakatagi pupusi i le fenua ! Kotou kalaga i le makeke katoa, ti kotou pati : Kotou fakamaopo mai, ti ke tou ano ki kolo tau !

Selemia 49:2

Koia e folafola ai le Eteleno, o pati : E soko mai loa a aso Ala e kau fakagugulu ai loa le kalaga o le tau ki Lapati o fanau a Amone ; E liliu loa a ia ko se tuuga fatu maumau, Ti e tutu loa e le afi ona kolo liliki ; I le aso lena e kapu loa e Iselaele latou ala na kapu ia a ia, e pati le Eteleno.

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.

Selemia 6:17

Na kau tuku ki okoutou tafa ni tagata leo : Kotou tokaga ki le tagi o le fakatagi pupusi ! Kae e lotou tali : E leaise motou tokaga loa ki ai.

Esekiele 7:14

Kua pupusi le fakatagi pupusi, kua tokamalie nea fuli, Kae e leaise saele se tasi ki le tau ; Talie e vilo loku sausau ki le kakai katoa.

Oseo 5:8

Kotou pupusi le fakatagi pupusi i Kipea, Kotou pupusi le fakatagi pupusi i Lama ! Kotou fai ni kalaga i Pete-Aveni ! Tokaga ki ou muli, Pesamino !

Levitiko 23:24

Masau ki fanau a Iselaele, o pati kia latou : I le fitu o masina, i le uluaki aso o le masina, e kotou taupau loa se aso malolo, leia e fakasa loa ki ni fakatagi pupusi, ti e kotou fai loa se fakatasi tapu.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Sofoni 1:16

Ko se aso e tagi ai loa le fakatagi pupusi mo ni kalaga tau Ki kolo tau mo tule taualuga.

Numelo 31:6

Na kakau loa e Moisese le kau tagata lena ke ano o taui Matiane, ti na ano loa mo latou le tagata faisakilifisio ko Finesi, vosa o Eleasale. Na ave loa e Finesi a nea taputapu, mo fakatagi pupusi ke fakasa ai le fakamailoga o le kalaga o le tau.

Uluaki tosi ki le kau Kolinto 14:8

Ti kapau e leaise matala le tagi o le fakatagi pupusi, ko ai e teuteu loa ki le tau ?

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.

Sosue 6:5

Ka kaku loa ki le temi leia e lotou pupusi ai loa se nota fakaloaloa, e fakamapa loa e le kakai se kalaga tau ti e sosolo loa a kaua o le kolo ki lalo. Ti ke pale loa a fanau a Iselaele ki le kolo, o tasi ano fakasako i ona mua.

Tuifakamaau 10:12

Pe na leaise kau saofaki loa koutou mei le lima o le kau Sitone, mo le kau Amaleke ti mo le kau Maoni, ala na fakamamae ia loa koutou, i le aso leia na kotou tagi mai ai loa kiate au ?

Tuifakamaau 10:8

Na lotou fakavelivelii loa ti na lotou fakamamae loa a fanau a Iselaele i le fetuu lena, ti mo fanau fuli a Iselaele ala na nonofo i le fetuu esite o le Solotane i le fenua o le kau Amole i Kalaate i fetuu e kau agafulu tupu valu.

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.

Tuifakamaau 3:27

I lana kaku ki Seila, na pupusi loa e ia le fakatagi pupusi i le mauga o Efalaimi ke tanaki ai a fanau a Iselaele ki le tau. Ti na nofo loa a ia ko lolatou pule, ti na lotou ifo loa mei le mauga.

Tuifakamaau 6:34

Na kofu loa e Seteone le Laumalie o le Eteleno ; ti na pupusi loa e ia le fakatagi pupusi o fakatasi le kakai o Apiesele ke muli iate ia.

Tuifakamaau 6:9

Na kau saofaki koutou mei le lima o le kau Esipito ti mo le lima o latou fuli ala na fakamamae ia koutou. Na kau kapu latou i okoutou mua ti na kau soli kia koutou lolatou fenua.

Uluaki tosi a Samuele 10:18

ti na pati loa a ia ki fanau a Iselaele : Ko leinei le folafola a le Eteleno, le Atua o Iselaele : Na kau fakamavae mei Esipito a Iselaele, ti na kau saofaki koutou mei le lima o le kau Esipito mo le lima o atu puleaga fuli ala na fakavelivelii ia koutou.