Numelo 10:29 - Tosi Tapu

²⁹ Na pati loa Moisese kia Opapi, vosa o Leuele, tagata o Matiane, tamana o le avaga o Moisese : E motou ano ki le fenua leia na pati ki ai le Eteleno : e kau soli loa a ia kia koutou. Au ke tou ano, ti e motou fai loa kiate koe se nea malie, talie kua fakapapau le Eteleno ke fai se nea malie ki Iselaele.

Numelo 10:29 Iomraidhean Croise

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 13:15

talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau.

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 17:8

E kau soli loa kiate koe mo lou sakoga i ou muli, le fenua leia e ke nofo matapule ai, le fenua katoa o Kanaane, ko lou tofiga lee gato, ti e kau liliu loa ko lolatou Atua.

Senesi 32:12

Ti ko koe, na ke pati mai kiate au : E kau fai loa kiate koe le nea malie, ti e kau fakaliliu loa lou sakoga ke tatau mo le one o le tai, leia e leaise feala ke lau.

Pesalemo 100:1

Pesalemo o le fakafetai. Kotou fai ni kalaga fakafiafia ki le Eteleno, Koutou fuli, kakai o le malama nei !

Pesalemo 34:8

E nofo le aselo o le Eteleno o takatakai latou ala e i kiate ia, Ti e taaki e ia latou i le tutamaki.

Pesalemo 95:1

Kotou au, tou sua i le nekenekea ki le Eteleno ! Tou kalaga fakafiafia ki le utu o lotatou fakamauli.

Ekesote 18:1

Ko Setelo, tagata faisakilifisio o Matiane, tamana o le avaga o Moisese, na logo loa ki nea fuli ala na fai e le Atua kia Moisese mo lona kakai ko Iselaele ; na toe logo foki a ia ki le nea leia na fai e le Eteleno ke fakamavae ai Iselaele i Esipito.

Ekesote 18:12

Ti na momoli loa e Setelo, tamana o le avaga o Moisese, se failaulau mo ni sakilifisio fakafetai ki le Atua. Na au loa Alone mo le kau matua fuli o Iselaele o kau i le kaitasi mo le tamana o le avaga o Moisese, i mua o le Atua.

Ekesote 18:27

Na tuku loa e Moisese lona tamana ke toe liliu ki lona fenua, ti na ano loa Setelo.

Ekesote 2:18

Na lotou toe liliu loa ki lolatou tamana ko Leuele, ti na vesili loa a ia kia latou : Kolea kua kotou liliu vave mai ai i le aso nei ?

Ekesote 2:21

Na loto loa Moisese ke nofo i le fale o le tagata lena, ti na soli loa e Leuele kiate ia lona taine ko Sefola, ke avaga mo ia.

Ekesote 3:1

Na fagai e Moisese le kau manu o lona tamana, le tagata faisakilifisio o Matiane ; ti na ave loa e ia le kau manu ki muli o le toafa, ti na kaku loa a ia ki le mauga o le Atua, i Olepe.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Ekesote 6:4

Na kau fakatuu foki laku sai mo latou, ke soli kia latou le fenua o Kanaane, le fenua leia e lotou fanoga ai, leia na lotou nofo fakatemi ai.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Selemia 50:5

E lotou afa loa le ala o Sione, E agaaga loa olatou mata kiate ia : Kotou au, kotou pipiki ki le Eteleno I se sai lee gato leia e leaise toe galo loa i se aso !

Numelo 10:28

Ko lena le fakatuutuu leia na fanoga ai a fanau a Iselaele o mulimuli ki olatou kau tau, ti na lotou mavae fenaaki loa.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Gaoi 7:5

Ti na leaise soli loa e ia kiate ia se ga kele i le fenua leinei, pe ko se ganea fua ke teki ai lona vae, kae na fakapapau loa e ia ke soli le fenua katoa ma ana, ti mo lona sakoga ki muli iate ia, kae na leikiai fua sana fanau.

Tetelonome 30:5

E toe fakaliliu loa a koe e le Eteleno, lou Atua ki le fenua leia na maua e ou tamana, ti e ke toe maua tofiga loa a ia. E fai loa e le Eteleno kiate koe le malie, ti e toe fakaliliu loa e ia a koe o toe api ake i ou tamana.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tito 1:2

ala e fakatafito ki le amanaki malie o le mauli lee gato, leia na fakapapau i mua o sekulo fuli e le Atua leia e leaise loi,

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.

Tuifakamaau 1:16

Na pale ake loa a vosa o le tagata Kenia, tamana o le avaga o Moisese, mei Seliko, kolo o palemie, mo vosa o Suta, ki le toafa o Suta i le potu saute o Alate, ti na lotou ano loa o nonofo mo le kakai.

Tuifakamaau 4:11

I tafa o Ketesi na nofo ai Epeli, le tagata Kenia. Na mavae loa a ia mei fanau o Kenia, vosa o Opapi, tamana o le avaga o Moisese, ti na fakatuu loa e ia lona falela i tafa o le sene o Saananimi

Uluaki tosi a Samuele 15:6

Na pati loa a ia ki le kau Kenia : Kotou ano, kotou mavae, kotou mavae kese meia Amaleke, ke aua na tamate loa koutou mo Amaleke ; talie na kotou agamalie ki fanau a Iselaele i le aso na lotou pale mai ai mei Esipito. Ti na mavae kese loa le kau Kenia ia Amaleke.