Numelo 10:10 - Tosi Tapu

¹⁰ I okoutou aso fakafiafia, mo okoutou aso lalasi, ti mo okoutou masina foou, e kotou pupusi loa a fakatagi pupusi, mo ka kotou momoli loa akoutou failaulau mo akoutou sakilifisio fakafetai, ti e lotou fakamanatu loa koutou ki lokoutou Atua. Ko au ko le Eteleno, ko lokoutou Atua.

Numelo 10:10 Iomraidhean Croise

Lua tosi o Sau 4:23

Ti na pati loa lona avaga : Kolea kua ke loto ai ke ke ano kiate ia i le aso nei ? E leaise ko se masina foou pe ko se aso sapato. Na tali loa le fafine : E leaise veli se nea.

Uluaki tosi o Koloniko 15:24

ti na tutuu a Opeto-Etome mo Sekisa, tagata tuu matapa, i le tasi fetuu o le aleka. Na pupusi loa e Sepania, mo Sosafate, mo Netaneele, mo Amasai, mo Sakalia, mo Penasa mo Eliesele, tagata faisakilifisio, ni fakatagi pupusi i mua o le aleka o le Atua.

Uluaki tosi o Koloniko 15:28

Na paleaki ake loa e Iselaele katoa le aleka o le sai a le Eteleno mo ni kalaga fakafiafia, mo ni tatagi o fakatagi pupusi, mo pa, mo lute, ti mo alepe.

Uluaki tosi o Koloniko 16:42

Na tokaga Emani mo Setutune ki fakatagi pupusi mo pa a le kau fai musika, ti mo nea fai musika ala na fakaaoga ki le sua o katiko ki le Atua. Na tuu matapa a vosa o Setutune.

Lua tosi o Koloniko 29:26

Na tutuu loa le kau Levi mo nea fai musika a Tavite, ti na tutuu loa le kau tagata faisakilifisio mo alatou fakatagi pupusi.

Lua tosi o Koloniko 29:28

Na punou loa le fakatasiga katoa ki le kele, na sua loa le katiko, ti na pupusi loa a fakatagi pupusi, o kaku ki le oki o le failaulau.

Lua tosi o Koloniko 7:6

Na fai e le kau tagata faisakilifisio lalatou gaoi, ti na fai foki e le kau Levi lalatou gaoi mo alatou nea fai musika ki le Eteleno, ala na fai e le sau ko Tavite ke sua ki ai a fakavikiviki ki le Eteleno, i le aso leia na tuku ai loa e Tavite kia latou ke fakafetai ki le Eteleno, o pati : Talie lee gato lona manava alofa ! Na pupusi e tagata faisakilifisio ni fakatagi pupusi i olatou mua. Ti na tutuu le kakai katoa o Iselaele i aluga.

Esetalasi 3:10

I le temi leia na teki ai e le kau gaoi le fakatafito o le fale o le Eteleno, na au loa le kau faisakilifisio mo olatou kofu fakapelepitelo, mo ni fakatagi pupusi, mo le kau Levi, mei le sakoga o Asafe, mo ni pa fai musika, o tupu ke lotou fakavikiviki ki le Eteleno o mulimuli ki fakatuutuu a Tavite, sau o Iselaele.

Neemia 12:35

mo ni vosa o le kau tagata faisakilifisio mo olatou fakatagi pupusi : ko Sakalia, vosa o Sonatane, vosa o Semaesa, vosa o Matania, vosa o Mikea, vosa o Sakule, vosa o Asafe,

Pesalemo 150:3

Kotou fakafetai kiate ia i le leo o le fakatagi pupusi ! Kotou fakafetai kiate ia i le lute mo le alepe !

Pesalemo 81:3

Kotou sua ni katiko, kotou fakagugulu le nafa, Mo le alepe logo malie, mo le lute !

Pesalemo 81:4

Kotou pupusi le fakatagi pupusi i le masina foou, I le katoa o le masina, i lotatou aso lasi !

Pesalemo 89:15

Ko le faitotonu mo le maokioki ko le fakavae o lou ekeekeaga fakasau. E tutuu le agamalie mo le agatonu i ou mua.

Ekesote 28:29

Ka ulu loa Alone ki le sagatualio, e amo loa e ia i lona loto a igoa o vosa o Iselaele, ala kua togi i le peketolale o le fakamaau, o tupu ke taupau tuumau lolatou tausi alofa i mua o le Eteleno.

Ekesote 30:16

E ke tali loa mei fanau a Iselaele le paaga o lolatou totogi, ti e ke fakaaoga loa a ia ki le gaoi o le falela tapu ; ko se tausi alofa loa lena ki fanau a Iselaele, i mua o le Eteleno, ki le totogi o olatou laumalie.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Levitiko 23:24

Masau ki fanau a Iselaele, o pati kia latou : I le fitu o masina, i le uluaki aso o le masina, e kotou taupau loa se aso malolo, leia e fakasa loa ki ni fakatagi pupusi, ti e kotou fai loa se fakatasi tapu.

Numelo 10:9

I lokoutou fenua, ka kotou ano loa o tau ki le fili leia na osoi ia koutou, e kotou pupusi fakamakeke loa a fakatagi pupusi, ti e manatui loa koutou e le Eteleno, ko lokoutou Atua, ti e saofaki loa e ia koutou mei okoutou fili.

Numelo 28:11

I le uluaki aso o masina fuli, e kotou momoli loa ki le Eteleno, se failaulau ko ni pipi tagata e lua, mo se ovi tagata e tasi, mo ni akeno fetuu taki tasi e fitu, ko manu fuli ana e tonu ke lee mele.

Numelo 29:1

I le uluaki aso o le masina fitu, e kotou fai loa se fakatasi tapu : E leaise kotou fai loa se gaoi fakamalama. E fakasa loa le aso lena ki le leo makeke o fakatagi pupusi.

Mateo 11:28

Kotou au kiate au, koutou fuli ala e gagae mo mafaia, ti e kau soli atu loa kia koutou se malolo.

Gaoi 10:4

Ti i lana tio fakamaumau kiate ia mo se i lasi, na tali loa a ia : Aliki, kolea ? Ti na pati loa le aselo kiate ia : Kua kaku au faikole mo ou nea alofa ki mua o le Atua, ti kua manatui e ia latou.

Uluaki tosi ki le kau Kolinto 15:52

i se temi e tasi, i le kemo o le mata, i le pupusi o le fakatagi fakamuli. E tagi loa le fakatagi pupusi, ti e toe tuuake loa le kau mate i ni tino lee pala, ti ko tatou, e tou fetogi loa.

Uluaki tosi ki le kau Tesalonika 4:16

Talie e ifo loa le Aliki totonu mei le lagi, i se kalaga fakalagiaki, i le leo o se alekaselo, ti mo le tagi o le fakatagi pupusi a le Atua : ti ko le kau mate ia Kilisito e toe tuuake loa i mua.

Uluaki tosi ki le kau Tesalonika 4:18

Ke kotou fefakapelepeleaki ia koutou i kupui folafola ana.

Sosue 4:7

E kotou tali loa kia latou : Na tuuti lua a vai o le Solotane i mua o le aleka o le Eteleno ; i le temi leia na fakalaka ai le aleka i le Solotane, na mavaelua a vai o le Solotane, ti e tuu loa a fatu anei ofaipe tausi alofa ki fanau a Iselaele.

Sosue 6:4

E ano loa a tagata faisakilifisio e toka fitu mo ni fakatagi pupusi, ko tagata e fitu i mua o le aleka. I le fitu o aso, ke kotou fai loa le foli takatakai o le kolo o tua fitu, ti ke pupusi loa e tagata faisakilifisio a fakatagi pupusi.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.

Uluaki tosi a Samuele 20:5

Ti na tali loa Tavite kiate ia : Ko leinei, ko apogipogi ko le uluaki aso o le masina, ti e tonu ke kau kai fakatasi mo le sau ; tuku mai kau ano, ti e kau mumuni loa i faisaga o kaku ki le afiafi o le tolu o aso.