Numelo 1:4 - Tosi Tapu

⁴ E kau loa mo koulua ki le tosi lena se tagata i le faasiga, ko se tagata leia e pule i lona famili.

Numelo 1:4 Iomraidhean Croise

Uluaki tosi o Sau 8:1

Ti na fakatasi ake loa e le sau ko Salomone kiate ia i Selusalemi le kau matua o Iselaele mo kau pule fuli o faasiga, ko pule o famili o fanau a Iselaele, o tupu ke amo mei Sione, le kolo o Tavite, le aleka o le sai a le Eteleno.

Ekesote 18:21

Filifili e koe i le kakai katoa ni tagata poto, ni tagata ala e alofa ki le Atua, ni tagata agatonu mo loto sako ti e leaise manumanu ; ti fakanofo loa e koe latou ko ni pule ki le tino afe, mo le tino lelau, mo le tino lima, ti mo le tino agafulu.

Ekesote 18:25

Na filifili loa e Moisese ni tagata poto i fanau fuli o Iselaele, ti na fakanofo loa e ia latou ke pule ki le kakai, ki le tino afe, mo le tino lelau, mo le tino lima, ti mo le tino agafulu.

Numelo 1:16

Ko igoa ana o latou ala na kau i le tosi o fanau a Iselaele. Ko latou ana kua filifili ko ni pule latou o famili o Iselaele, mo ni pule o kau solia o Iselaele.

Numelo 1:44

Ko le lasi lena o le kakai leia na tosi e Moisese mo Alone ti mo le kau tagata pule o Iselaele e kau agafulu tupu lua : ko le famili mo lona fa tagata.

Numelo 17:3

E ke tosi loa le igoa o le tagata taki toka tasi i lona tokotoko, ti e tosi loa le igoa o Alone i le tokotoko o Levi. Talie e i ai loa se tokotoko ki le pule taki tasi o fale o olatou tamana.

Numelo 25:14

Ko le tagata o Iselaele leia na tamate fakatasi mo le fafine Matiane ko Simeli, vosa o Salu, ko le pule o se famili i le faasiga o Simeone.

Numelo 25:4

Na pati loa le Eteleno kia Moisese : Fakatasii a pule fuli o le kakai, ti ke tautau latou ala kua agasala i mua o le Eteleno, o fakatio latou ki le laa, o tupu ke maliu kese le sausau o le Eteleno i Iselaele.

Numelo 30:1

Na fakasa loa e Moisese ki fanau a Iselaele a nea fuli ala na fakatotonu e le Eteleno kiate ia.

Numelo 4:34

Na tosi loa e Moisese, mo Alone, ti mo pule o fanau a Iselaele a vosa o Keati, o mulimuli ki olatou famili, o mulimuli ki fale o olatou tamana,

Numelo 7:2

Ti na fakafeofi ake loa a pule o Iselaele, pule o fale o olatou tamana, o momoli alatou moliga : ko pule latou o faasiga o Iselaele, latou ala na fai ia le tosi kaiga.

Tetelonome 1:15

Ti na kau too loa latou ala na pule ki okoutou faasiga, ko ni tagata poto, mo iloa, ti na kau fakanofo loa latou ke pule kia koutou, ko iki ki tino afe, ko iki ki tino lelau, ko iki ki tino lima, ti ko iki ki tino agafulu, ti na kau tuku loa ki iki ke leoleo ki okoutou faasiga.

Sosue 22:14

ti na ano loa mo ia ni tagata pule e tino agafulu, ko le tagata e tasi i le faasiga ; na lotou pule famili fuli i faasiga o Iselaele.