Neemia 9:2 - Tosi Tapu

² Ko latou ala na kau ki le sakoga o Iselaele, na mavae kese loa mei le kau matapule fuli, ti na lotou au loa o kofesio alatou agasala mo agaveli o olatou tamana.

Neemia 9:2 Iomraidhean Croise

Uluaki tosi o Sau 8:47

kapau e lotou fakakaukau loa i le fenua leia e lotou popula ai loa, kapau e lotou tafoki loa kiate koe, o fai ni tagi kiate koe i le fenua o latou ala na ave ia latou, ti lotou pati loa : Kua motou agasala, kua motou fai ni agaveli, kua motou fai le nea e veli !

Esetalasi 10:11

Kotou kofesio i le aso nei lakoutou agasala ki le Eteleno, le Atua o okoutou tamana, ti kotou fai lona finegalo ! Kotou mavae mei le kakai o le fenua ti mo fafine matapule.

Esetalasi 6:21

Ti na kai loa e fanau o Iselaele ala na toe liliu mei le popula le Pasikate, mo latou fuli ala na fakamamao mei le kelekele o puleaga o le fenua ti na fakatasi ake kia latou o afa le Eteleno, le Atua o Iselaele.

Esetalasi 9:1

I le oki o nea fuli ana, na au loa le kau pule, o pati mai kiate au : Ko le kakai o Iselaele, mo le kau faisakilifisio, ti mo le kau Levi, e leaise lotou mavae kese fua mei le kakai o le fenua leinei, ti kua lotou faifaitaki alatou aga fakalialia, a aga a le kau Kanaane, mo le kau Eti, mo le kau Felesi, mo le kau Sepusi, mo le kau Amone, mo le kau Moape, mo le kau Esipito, ti mo le kau Amole.

Esetalasi 9:15

Eteleno, Atua o Iselaele, e ke faitotonu, talie koi mauli ni iki o matou i le aso nei. Ko nei matou i ou mua ko ni tagata agasala, kae na leaise tonu ke motou tutuu i ou mua.

Esetalasi 9:2

O tupu kua lotou avaga mo ni taineliki o fenua ana, ti kua toe felaaki mo olatou vosa, ti kua lotou filo le lanu tapu mo le kakai o fenua pagani anei ; ti ko le kau pule mo le kau tui fakamaau, ala na uluaki fai ia le agasala lena.

Neemia 1:6

Ke tokaga mai lou taliga, ti ke tio mai ou mata, o fakalogo ki le kole leia e fai atu kiate koe e lau tagata fakasausau i le lakaga nei, i le ao mo le pouli, ki au tagata fakasausau a fanau o Iselaele, o kofesio a agasala a fanau o Iselaele, amatou agasala kiate koe ; talie kua motou agasala kiate koe, a au mo le fale o loku tamana.

Neemia 10:28

Ko le toega o le kakai, mo le kau tagata faisakilifisio, mo le kau Levi, mo le kau tuu matapa, mo le kau sua, le kau Netinia, mo latou fuli ala na mavae kese mei kakai matapule o tausi le lao a le Atua, mo alatou avaga, mo olatou vosa, mo olatou taineliki, latou fuli ala kua maua ia se iloa mo se poto,

Neemia 10:29

na lotou fakatasi loa ki olatou fetaina ala na mauiga ake ia latou. Na lotou fakapapau loa ke saele i le lao a le Atua, leia na tuku mai e Moisese, le tagata fakasausau a le Atua, ke lotou tausi mo fai a folafola fuli a le Eteleno, lomatou Aliki, mo ana fakatotonu, mo ana lao.

Neemia 13:3

I le logo a le kakai ki le lao, na lotou fakamavae loa le kau matapule mei Iselaele.

Neemia 13:30

Na kau fakamea loa latou mei le kau matapule fuli, ti na kau toe fakamakeke loa a lao ala e tonu ke tausi e le kau tagata faisakilifisio mo le kau Levi i lalatou gaoi,

Pesalemo 144:11

Saofaki au ti ke fakamauli au i le lima o vosa o le matapule, Leia e masau lona gutu i le loi, Ti ko lona lima atamai ko se lima atamai kaka !…

Pesalemo 144:7

Falo mai ou lima mei aluga ; Saofaki au, ti ke fakamauli au i atu vai lalasi, I le lima o vosa o le matapule,

Taagapati 28:13

Ko leia e fufu ia ana agasala e leaise manuia, Kae ko leia e fakasa ia latou ti e tiaki ia latou e maua ia le manava alofa.

Esaia 2:6

Talie kua ke tiaki maoki lou kakai, le fale o Sakopo, O tupu kua lotou apele i nea o le potu esite, Ti kua lotou faikikite ofaipe le kau Filisitini, Ti kua lotou avaga ki vosa o le kau matapule.

Selemia 14:20

Eteleno, e motou fakamaoki ki lomatou agaveli, mo le agasala o omatou tamana ; Talie na motou agasala kiate koe.

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Taniela 9:20

Na kau toe masau, na kau faikole, ti na kau kofesio aku agasala mo agasala o loku kakai ko Iselaele, ti na kau fai aku tagi ki le Eteleno, loku Atua, o uiga mo le mauga maokioki o loku Atua ;

Oseo 5:7

Na leaise lotou agatonu ki le Eteleno, Talie na lotou fanaui ni toe vao ; I le lakaga nei, ko se masina fai e tasi e feauga ke maumaui ai latou mo olatou nea malilie.