Neemia 8:6 - Tosi Tapu

⁶ Na fakafetai loa Esetalasi ki le Eteleno, le Atua lasi, ti na siki loa e le kakai katoa olatou lima ki aluga, o tali : Amene ! Ti na lotou tulolo loa ki le kele, o atolasio ki le Eteleno.

Neemia 8:6 Iomraidhean Croise

Senesi 14:22

Na tali loa Apalamo ki le sau o Sotoma : E kau siki loku lima ki le Eteleno, ko le Atua Taualuga, ko le pule o le lagi mo le kele :

Senesi 24:26

Ti na tulolo loa le tagata ki le kele o atolasio ki le Eteleno,

Uluaki tosi o Koloniko 16:36

Ke fakafetai ki le Eteleno, le Atua o Iselaele, mei le lee gato ki le lee gato ! Ti ke pati le kakai katoa : Amene ! Kotou fakavikiviki ki le Eteleno !

Uluaki tosi o Koloniko 29:10

Na fakafetai loa Tavite ki le Eteleno i mua o le fakatasiga katoa. Na pati loa a ia : Fakafetai kiate koe, Eteleno, Atua o lomatou tamana ko Iselaele, o lee gato mo lee gato.

Uluaki tosi o Koloniko 29:20

Na pati loa Tavite ki le fakatasiga katoa : Ke kotou fakafetai ki le Eteleno, lokoutou Atua ! Ti na fakafetai loa le fakatasiga katoa ki le Eteleno, le Atua o olatou tamana. Na lotou punou loa ki le kele i mua o le Eteleno, ti mo mua o le sau.

Lua tosi o Koloniko 20:18

Na punou loa Sosafate o fakatau ona mata ki le kele, ti na punou loa Suta katoa mo le kakai o Selusalemi i mua o le Eteleno, o su kiate ia.

Lua tosi o Koloniko 29:10

Koia kua kau manatu ai ke fai se sai mo le Eteleno, o tupu ke maliu ai lona sausau lasi ia tatou.

Lua tosi o Koloniko 29:30

Ti na pati loa le sau ko Esekiasi mo pule ki le kau Levi ke sua mo fakafetai ki le Eteleno ki folafola a Tavite mo le polofeta ko Asafe ; ti na lotou sua fakafetai loa i le fiafia, ti na lotou punou loa ki le kele, o atolasio ki le Eteleno.

Lua tosi o Koloniko 6:4

Ti na pati loa Salomone : Ke fakafetai ki le Eteleno, le Atua o Iselaele, leia na folafola mei lona gutu kia Tavite, loku tamana, ti kua fakasoko ia i lona mafimafi le nea leia na fakasa e ia, o pati :

Neemia 5:13

Ti na kau tutuui loa loku taupulupulu, o pati : Ke tuui feneeki loa e le Atua a tagata fuli mei lona fale mo ona koloa, leia e leaise fai loa ki le nea kua pati ki ai, ke tuui feneeki a ia, ti ke nofo mativa a ia ! Ti na pati loa le fakatasiga katoa : Amene ! Na lotou fakafetai loa ki le Eteleno, ti na fai loa e le kakai o mulimuli ki lalatou fakapapau.

Neemia 8:7

Ti na fakamatala loa e Sosue, mo Pani, mo Selepia, mo Samine, mo Akupe, mo Sapetai, mo Otisa, mo Maasesa, mo Kelita, mo Asalia, mo Sosapate, mo Anane, mo Pelasa, ti mo le kau Levi le lao ki le kakai, kae na tutuu loa le kakai i lona ganea.

Pesalemo 134:2

Kotou siki okoutou lima ki le sagatualio, Ti kotou fakafetai ki le Eteleno !

Pesalemo 141:2

Ke fai laku kole i ou mua pe le iseso, Ti ke fai oku lima ala e falo atu kiate koe pe le moliga o le afiafi !

Pesalemo 28:2

Fakalogo mai ki le leo o aku kole, mo ka kau tagi atu kiate koe, Mo ka kua siki oku lima ki lou sagatualio.

Pesalemo 41:13

Na ke fakamakeke au o tupu ko loku agatonu, Ti na ke fakanofo au i lou agaiaga o lee gato.

Pesalemo 63:4

Talie e malie ake lou agamalie i le mauli, Koia e fakafetai ai oku laugutu kiate koe.

Pesalemo 95:3

Talie ko le Eteleno ko se Atua lasi, Ko ia ko se sau lasi i aluga o atua fuli.

Ekesote 12:27

E kotou tali loa : Ko le sakilifisio o le Pasikate ki le Eteleno, leia na fakasili i aluga o fale o fanau a Iselaele i Esipito, i lana taai Esipito kae saofaki otatou fale. Na punou loa le kakai ki le kele o atolasio.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Selemia 28:6

Na pati loa Selemia, le polofeta : Amene ! Ke fai fenaaki e le Eteleno ! Ke fakamaoki e le Eteleno a folafola ala kua ke fakasa, ti ke toe fakaliliu mai e ia mei Papilone ki le ganea leinei a ipu o le fale o le Eteleno mo le kau popula katoa !

Tagi laulau a Selemia 3:41

Tou siki otou loto mo otou lima Ki le Atua leia e nofo i le lagi :

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Mateo 26:39

Ti oki, na fai loa e ia ni fa sake ki mua, ti na fakapulou loa a ia ki le kele, o faikole feneeki : Loku Tamana, kapau e feala ke mamao atu le ipu nei iate au ! Kae ke aua na fai ki loku loto, kae ke fai fua ki lou finegalo.

Mateo 6:13

aua na ke tuku matou ki le fakasala, kae fakamauli matou mei le pule veli. Talie a au le pule, mo le mafimafi ti mo le kololia i sekulo fuli. Amene !

Uluaki tosi ki le kau Kolinto 14:16

Talie kapau e ke fakafetai fai i le laumalie, pe feaki loa ke tali mai leia e fakalogo : Amene ! mo kapau e leaise iloa e ia le nea leia e ke fakasa ia ?

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Apokalipisi 7:11

Ti na tutuu loa a aselo fuli i tafatafa o le ekeekeaga fakasau, mo le kau matua, ti mo manu mauuli e fa. Ti na lotou tulolo loa o fakatuu olatou ulu ki le kele i mua o le ekeekeaga fakasau, o atolasio ki le Atua,