Neemia 8:16 - Tosi Tapu

¹⁶ Ti na ano loa le kakai o afa mai ni taulu laakau, ti na lotou fakatuu loa ni fale pola i ato o olatou fale, mo olatou malae, mo malae o le fale o le Atua, mo le malae i mua o le matapa o vai, ti mo le malae o le matapa o Efalaimi.

Neemia 8:16 Iomraidhean Croise

Lua tosi a Samuele 11:2

I se afiafi, na malaga ake loa Tavite i lona moeaga ; ti na evaeva loa a ia i aluga o le ato o le fale sau, ti na tio loa a ia mei ai ki se fafine na maanu, ti na fulumalie ai le fafine.

Lua tosi o Sau 14:13

Na too loa e Soasi, sau o Iselaele, i Pete-Semesi, a Amatesia, sau o Suta, vosa o Soasi, vosa o Akasia. Na au loa Soasi ki Selusalemi, o fai se fa pu leia na meta kau lelau lua lona loa i le paa o Selusalemi, mei le matapa o Efalaimi o kaku ki le matapa i le tifi.

Lua tosi o Koloniko 20:5

Na tuu loa Sosafate i loto malie o le fakatasiga a Suta mo Selusalemi, i le fale o le Eteleno, i mua o le lotoa foou.

Lua tosi o Koloniko 33:5

Na fakatuu loa e ia ni aletale ki le kau tau fuli o le lagi i loto o lotoa e lua o le fale o le Eteleno.

Neemia 12:37

I le matapa o le matapuna vai, na lotou pale loa i le takakega leia e ano ki le kolo o Tavite, leia na tuu i olatou mua, i aluga o le fale o Tavite, o kaku ki le matapa o vai, i le potu esite.

Neemia 12:39

ti na motou soko atu loa i aluga o le matapa o Efalaimi, mo le matapa afea, mo le matapa o ika, mo le tule o Ananeele, ti mo le tule o Mea, o kaku ki le matapa o ovi. Ti na motou tutuu loa i le matapa o le pilisoni.

Neemia 3:26

Ko le kau Netinia ala na nonofo i le mauga na gaoi loa o kaku ki le matapa o atu vai, i le potu esite, i le tule leia na tuu i fafo.

Neemia 8:1

Ti na fakatasi loa le kakai katoa ofaipe se tagata e tasi i le malae leia e tuu i mua o le matapa o vai. Na lotou pati loa kia Esetalasi, le sekelipa, ke aumai le tosi o le lao a Moisese, leia na tosi e le Eteleno ki Iselaele.

Neemia 8:3

Na lau loa e Esetalasi le tosi mei le usu o kaku ki le lalaatea, i le malae leia na tuu i mua o le matapa o vai, i mua o tagata mo fafine ti mo latou fuli ala na mafai ke logo ki ai. Na fakalogo malie loa le kakai katoa ki le lau o le tosi o le lao.

Selemia 19:13

E kelekele loa le fale o Selusalemi mo fale o sau o Suta Ofaipe le ganea o Tofete, Ti mo fale fuli ala e momoli ai le iseso i aluga o ato Ki le kau tau fuli o atu lagi, Ti na fai ai ni lipasio ki ni atua kese.

Selemia 32:29

E ulu loa ki le kolo leinei le kau Kaletea leia e taui ia a ia, E lotou tutu loa a ia ki le afi, ti e vela loa a ia Mo fale ala na momoli ai le iseso kia Paale i aluga o ato, Ti na fai ai ni lipasio ki ni atua kese, O tupu ke fakatupu ai loku sausau.

Tetelonome 22:8

Kapau e ke fakatuu ia loa se fale foou, e ke fau loa se a leia ke takatakai ia le ato, o tupu ke aua na maligi se toto ki lou fale, mo ka e vilo loa se tasi.