Neemia 7:1 - Tosi Tapu

¹ I le oki o le laga o le paa ti mo le fakapikipiki o matapa, na fakanofo loa le kau tuu matapa, mo le kau sua, ti mo le kau Levi ki olatou tuulaga.

Neemia 7:1 Iomraidhean Croise

Lua tosi o Sau 7:10

Na lotou ano loa, o kalagai a tagata leo o le matapa o le kolo, ti na lotou fakamatala loa kia latou, o pati : Na motou ulu ki le nofolaga o le kau Silia, ti ko leinei, na leaise tasi fua i ai, na leaise logo fua i ai ki se leo o se tagata ; gato fai ki osi mo asino na sasai i ai, ti mo falela na titiaki felaaki i ai.

Lua tosi o Koloniko 31:2

Na toe fakatuu loa e Esekiasi a lakaga o le kau tagata faisakilifisio mo le kau Levi o mulimuli ki olatou vaevae ti mo alatou gaoi taki toka tasi, le kau tagata faisakilifisio mo le kau Levi, ki failaulau mo sakilifisio fakafetai, ki le tausi, ki sua mo fakavikiviki, i matapa o le sagatualio o le Eteleno.

Esetalasi 3:8

I le lua o fetuu, talu mei le aso leia na lotou kaku ai ki le fale o le Atua i Selusalemi, i le masina lua, ko Solopapele, vosa o Saletiele, mo Sosue, vosa o Sotesatake, mo ola fetaina, le kau faisakilifisio mo le kau Levi, ti mo latou fuli ala na toe liliu mai mei le popula ki Selusalemi, na lotou gaoi loa ti na lotou tuku loa ki le kau Levi, mei le fetuu kau lua o fai ki aluga, ke leoleo ia a gaoi o le fale o le Eteleno.

Neemia 10:39

Talie e aumai loa e fanau a Iselaele mo vosa o Levi ki kogafale tanaki o koloa a moliga fulumeto, mo moliga vino, mo moliga lolo, ki le ganea leia e tanaki ai a ipu o le sagatualio, ti e nonofo ai le kau tagata faisakilifisio leia e fai ia le tausi, mo le kau tuu matapa, mo le kau sua. Ko lamatou fakapapau a ia ke aua na tiaki le fale o lomatou Atua.

Neemia 11:3

Na nofo loa le kau pule o le fenua i Selusalemi, kae na tasi nofo loa i lona kolo i Suta mo lona kele le toega o le kakai o Iselaele, le kau tagata faisakilifisio, mo le kau Levi, mo le kau Netinia, mo vosa o tagata fakasausau a Salomone.

Neemia 12:24

Ko pule o le kau Levi : ko Asapia, mo Selepia, mo Sosue, vosa o Katemiele, ti mo olatou fetaina, o mulimuli ki le fakatotonu a Tavite, tagata a le Atua, ke lotou feagaaki ki loto, o sua a fakavikiviki mo fakafetai ki le Eteleno.

Neemia 6:1

Na logo loa Sanepala, mo Topisa, mo Kesemi, le Alape, ti mo le toega o omatou fili, kua lagai le paa ti kua tapono a mavaa, kae na leikiaise kau fakapikipiki a matapa i le temi lena.

Neemia 6:15

Na oki loa le paa fatu o le kolo i le aso kau lua tupu lima o le masina o Elule : na aso kau lima tupu lua.

Neemia 6:19

Na lotou lau foki ona malie i oku mua, ti na lotou ave aku masau kiate ia. Na tautau aumai e Topisa ni tosi kiate au ke tupu ai soku i.