Neemia 6:9 - Tosi Tapu

⁹ Talie na faiga latou fuli ana ke fakaii kia matou, o pati : E lotou loto gaegae loa, ti e leaise fai loa le gaoi. I le lakaga nei, ei loku Atua, ke ke fakamakeke au !

Neemia 6:9 Iomraidhean Croise

Lua tosi o Koloniko 15:7

Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Lua tosi o Koloniko 32:18

Na masau taukalaga a tagata fakasausau a Sanekelipe i le pati fakasutea, o tupu ke i ai mo lulu ai le kakai o Selusalemi leia na nonofo i aluga o le paa takatakai o le kolo, ti ke mafai ai ke lotou too le kolo.

Esetalasi 1:6

Ko latou fuli ala na nofo i olatou tafatafa na soli ia loa kia latou ni paaga, mo se aulo, mo ni koloa, mo ni manu, ti mo ni nea mauiga, kae na leaise lau a nea alofa.

Neemia 6:14

Ke ke manatui, ei loku Atua, a Sanepala, mo Topisa, mo ala gaoi ! Ke ke manatui foki a Noatia, le fafine polofeta, mo le kau polofeta leia na faiga ke kau i.

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Pesalemo 56:3

I le aso katoa e tuli au e latou ala e fakafesagai kiate au : E lotou fakatasi ke taui au ti mo pulei au !

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Pesalemo 71:1

Eteleno ! e kau afa iate koe loku mumuniaga : Ke aua na ke tuku au ke luma i se aso !

Esaia 40:29

E soli e ia se makeke ki leia kua gaegae, Ti e fakaapele e ia ki le makeke leia kua oki lona makeke.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Selemia 38:4

Ti na pati loa le kau pule ki le sau : E tonu ke tamate le tagata leinei ! O tupu e fakalotogaegae e ia a tagata tau ala koi toe i le kolo leinei, mo le kakai katoa, i lana fai kia latou a tau masau ana ; e leaise afa e le tagata leinei le malie o le kakai, kae e loto a ia ki lona malaia.

Esekiele 30:24

E kau fakamakeke loa a lima o le sau o Papilone, Ti e kau tuku loa laku seleta ki lona lima ; E kau fatii loa a lima o Falaone, Ti e tagi laulau loa a ia i mua o le sau o Papilone ofaipe le tagi a latou ala ka mamate.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Efeso 3:16

o tupu ke soli atu e ia kia koutou, o mulimuli ki le mou koloa o lona kololia, ke fakamakeke koutou e lona Laumalie i le tagata loto,

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Filipe 4:13

E kau mafai a nea fuli i leia e fakamakeke ia au.

Epelo 12:12

Koia ke kotou fakamakeke okoutou lima kua tau, Ti mo okoutou tuli kua gagae ;

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Samuele 30:6

Na mamae lasi ai Tavite, talie na masau le kakai ke tuki fatui a ia, talie na kona lasi ai loto o le kakai, o tupu ko olatou vosa mo olatou taineliki taki tasi. Kae na toe loto makeke Tavite i lana fanaki ki le Eteleno, lona Atua.