Neemia 5:7 - Tosi Tapu

⁷ Na kau fakapapau loa ke kau fai ni valoki ki le kau lalasi mo le kau pule, ti na kau pati loa kia latou : Kolea e kotou tuku ai ni maua mamafa ki okoutou fetaina ! Ti na kau fakatasii loa le kakai toka api kia latou,

Neemia 5:7 Iomraidhean Croise

Pesalemo 109:11

Ke ave e le tagata tanaki maua ana nea fuli, Ti ke kaia e le kau matapule le fua o lana gaoi !

Pesalemo 15:1

Pesalemo a Tavite. Eteleno, ko ai e nofo loa i lou falela ? Ko ai e nofo loa i lou mauga maokioki ?

Pesalemo 15:5

E leaise afa e ia se tupu o lana paaga, Ti e leaise tali e ia se nea alofa ki leia e mea. Ko leia e fai fenaaki, e leaise toe siga a ia i se aso.

Pesalemo 27:8

E pati loku loto iate koe : Kotou afa oku mata ! Koia e kau afa ai ou mata, Eteleno !

Pesalemo 4:4

Ke kotou iloa kua filifili e le Eteleno kiate ia se tagata agamalie ; Ti e logo le Eteleno, mo ka kau tagi kiate ia.

Pesalemo 94:16

Ko ai e tuu ake loa kiate au o taofi le kau agasala ? Ko ai e tokoi mai loa kiate au o taofi latou ala e fai ia le veli ?

Ekesote 22:24

ti e malaga loa loku ita, ti e kau tautea loa koutou ki le seleta ; ti e liliu loa akoutou avaga ko ni fafine sala avaga, ti mo okoutou toe ko ni toe sala matua.

Ekesote 22:25

Kapau e ke tuku loa se maua paaga ki le tagata mativa leia e nofo mo koe, leia e kau ki loku kakai, e leaise tonu ke ke faipe se tagata matapule, e leaise tonu ke ke tuku kiate ia se tupu o le paaga.

Taagapati 27:5

E malie ake le valoki fakaagatonu I se alofa fakafufu.

Taagapati 28:4

Ko latou ala e tiaki ia le lao e vikiviki ki le tagata agaveli, Kae ko latou ala e tausi ki le lao e iita kiate ia.

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Esekiele 45:9

E folafola le Aliki, le Eteleno, o pati : Kua feauga, tama aliki o Iselaele ! Ke kotou tuku la le agamakeke mo le kaia, kae ke kotou fai la le nea leia e sako mo le maoki, ke kotou tuku la le kaia o koloa o loku kakai, e pati le Aliki, le Eteleno.

Levitiko 19:15

Aua na ke fai loa se tonu sala i au fakamaau : aua na ke tio loa ki le mativa o se tagata, ti aua na ke tio loa ki le mauiga o se tagata, kae e ke fakamaaui loa lou oloi o mulimuli ki le lao totonu.

Levitiko 25:36

Aua na ke too loa se totogi iate ia pe ko se tupu, e ke i loa ki lou Atua, ti e mauli loa lou taina mo koe.

Mateo 18:17

Kapau e leaise fia fakalogo a ia kia latou, fakasa a ia ki le Ekelesia ; ti kapau e leaise fia fakalogo a ia ki le Ekelesia, ke fai a ia kiate koe pe se tagata pagani, pe ko se popelikano.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 2:11

Kae i le au loa a Kefasi ki Atiokia, na kau tuu loa ki aluga o valoki a ia, talie na tonu ke valoki a ia.

Uluaki tosi kia Timoteo 5:20

Ko latou ala e agasala, valoki latou i mua o le Ekelesia katoa, o tupu ke i foki mo latou ake ala.

Tito 2:15

Fakasa a nea ana, ekenaki, ti mo valoki i le makeke katoa. Ke aua na nukinuki se tasi kiate koe.