Neemia 5:5 - Tosi Tapu

⁵ Kae ko leinei e tatau lomatou kanofi mo le kanofi o omatou fetaina, ti e tatau amatou fanau mo alatou fanau ; ti ko leinei e tonu ke motou tuku amatou fanau ke fakapopulai, ti kua toka api i omatou taineliki kua fakapopulai ; e leaise tasi ake puleaki e motou maua, talie kua maua amatou faisaga mo omatou vite e latou ala e motou tuu maua ki ai.

Neemia 5:5 Iomraidhean Croise

Senesi 29:14

Ti na pati loa Lapane kiate ia : E maoki ko koe ko loku ivi ti ko loku kanofi. Na nofo loa Sakopo i le masina e tasi i le fale o Lapane.

Senesi 37:27

Kotou au, ti tou fakatau a ia ki le kau Isemaele, kae aua na fafa otou lima kiate ia, talie ko lotatou taina a ia, ko lotatou tino. Ti na fakalogo loa ona fetaina kiate ia.

Lua tosi o Sau 4:1

Na tagi loa se fafine i avaga o vosa o le kau polofeta kia Eliseo, o pati : Kua mate loa lau tagata fakasausau, loku avaga, ti e ke iloa na i lau tagata fakasausau ki le Eteleno ; kae kua au le tagata tae maua ke too aku fanau e toka lua ti ke la popula kiate ia.

Taagapati 22:7

E pule le tagata mou koloa ki le kau mativa, Ti ko leia e too maua e popula ki leia na too maua ai.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Esaia 58:7

Vaevae lau pane mo leia e fia kai, Fakaulu ki lou fale latou e fakaaloalofa mo sala nofoaga ; Ka ke tio ki se tagata telefua, uufi a ia, Kae aua na ke maliu kese i leia e tatau mo koe.

Mateo 18:25

Na leaise maua e ia se nea leia ke ui ai lona maua, ti na fakatotonu loa e lona pule ke fakatau a ia, mo lona avaga, mo ana fanau, mo nea fuli ala na maua e ia, ke ui ai le maua.